< 返回
  • 《溏心3》俾人搶老公 胡琳:好憎恨唐文龍
  •   13,796 views │ 2017年12月22日
    留言()

 

《溏心風暴3》反應麻麻,唯獨唐文龍陳敏之同胡琳,呢條三角關係感情線得觀眾受落,飾演賢妻嘅胡琳(Bianca)亦人氣急升,首次拍劇就「榮升」人母,胡琳表示今次角色與本身性格反差極大,初期也擔心駕馭不來,後得男神唐文龍帶戲。胡琳表示:「當初知道要拍《 溏3》好開心,但一下子就要飾演人妻兼人母就開始擔心handl e唔到,好彩有監製同我詳盡講解角色變化,鼓勵我去試, 我知道今次戲份唔多,但發揮空間大,都好想去挑戰自己, 所以好快就進入狀態。」

胡琳向來俾人形象都係 溫婉嫻淑,實情她性格活潑, 熟稔的朋友經常見到她「癲癲得得」的一面:「 大家都以為我好溫柔、賢淑、斯文,其實我好嗶呢吧啦, 一啲都唔賢妻良母feel,要進入狀態都係靠自己投入角色, 相信自己係劇中人,進入劇中生活,會調整語氣, 特別係好多場戲要帶住小朋友,本身我冇小朋友, 所以一見到佢就將自己嘅母愛爆發出嚟,加上文龍好有經驗, 畀到一個好舒服感覺我,令我更加相信自己係角色中人,由愛變恨, 之後更加好投入去憎恨佢。第一次拍劇就有咁多得著,我都好滿意! 」至於現實中有沒有遭第三者介入的經歷?胡琳表示 :「touch wood,冇呀!可能我外表太柔弱,冇人捨得傷害我啦!哈哈!」
熱門新聞
  • 傳態度差棄用鄭俊弘 陳家樂執二攤演《逆緣》冷凍人 21,325 views
  • 【夫家百億資產】嫁陳樹渠兒子15年 港姐李明慧當街冧咀老公 20,984 views
  • 【咁都無仔溝】90後靚女求愛悲歌 渴望扭蛋機出幾個男友 19,628 views
  • 【當年爭餐死】李明慧生龍鳯胎成下半場大贏家 18,021 views
  • 【蝸居宅急變】地拖變Dior 家居創意達人Queenie屋企勁多蠟燭 16,165 views
  • 【死場博一博】7萬租5,000呎開廢青場 客人由朝坐到晚 15,570 views