< 返回
  • 【豪語錄】諗過轉行一萬次 唐文龍:我唔甘心
  •   19,271 views │ 2017年12月29日
    留言()

 

《溏心3》未出街前,大概沒有人會想到唐文龍飾演的出軌教授成為劇中最受歡迎角色,他跟陳敏之連續幾集愛慾交纏戲出街後,他說受訪次數是入行二十二年的總和。放在以前,大家都認為唐文龍一定不能接受這個背妻偷食的角色,經過這些年,他確信現實本該如此,觀眾也不可能只相信單純的愛情故事。

「今次算係一個亦正亦邪嘅人物,但我覺得無所謂,只要角色係有變壞嘅原因。作為演員,有時做好人角色好悶,因為無嘢發生,所有嘢都係你去補救,無需要出錯,但做壞人或者反派,好多事件,令到你喺故事中出錯,咁先係生活,有真實感同埋有追看性。」他說。離開TVB後,他接拍亞視電視劇《火蝴蝶》,難得擔正男一,看似是機會,但遇上汶川大地震,電視台集中報導災區狀況,劇集被迫停播了兩星期,之後如落雨收柴,草草播完。

發展空間有限,他決定轉戰上海重新開始,在當地結交朋友,擴闊人脈網絡,拜香港九十年代電視劇餘威所賜,南方觀眾對香港演員有一定程度認識,他經常兩地飛。時移勢易,最後還是要隨大環境北移,在北京定居,那時已經是○九年底,他說自己起步是相當遲。

「在北京發展,可以形容過程係由趴地變跪地,到企到起身,嗰時自己已經四十三歲,算係建立咗少少基礎。其實咁多年一直都有諗過轉行,我諗大概有一萬次。不過從來冇真正下定決心,因為不甘心,最重要係相信自己可以做到,我嗰陣時成日同自己講「我得嘅」,呢種阿Q精神,俾我好大動力。咁多年來,身邊朋友、父母,喜歡我嘅人,出於關心或者擔心會勸我轉行。呢份好意,某程度上反而係打擊。」他說。
熱門新聞
  • 傳態度差棄用鄭俊弘 陳家樂執二攤演《逆緣》冷凍人 21,325 views
  • 【夫家百億資產】嫁陳樹渠兒子15年 港姐李明慧當街冧咀老公 20,984 views
  • 【咁都無仔溝】90後靚女求愛悲歌 渴望扭蛋機出幾個男友 19,628 views
  • 【當年爭餐死】李明慧生龍鳯胎成下半場大贏家 18,021 views
  • 【蝸居宅急變】地拖變Dior 家居創意達人Queenie屋企勁多蠟燭 16,165 views
  • 【死場博一博】7萬租5,000呎開廢青場 客人由朝坐到晚 15,570 views