< 返回
  • 【八卦陣】堂堂姚教授 「驚」政治記者?
  •   6,917 views │ 2018年01月10日
    留言()

 

姚松炎嘅議員助理曾經受訪時,大爆老闆好驚接受政治記者訪問,「因為要講政治理念。」《壹》仔最近問番姚教授係咪真係咁驚,佢話:「以前接受訪問,通常講專業範疇嘅事,嗰啲我駕輕就熟,而且個專業知識明顯係幫到社會」,所以佢以前處理得好啲。

但入咗立法會之後,姚教授話有一個好得意嘅感覺,「就係政治beat嘅同事,對技術議題冇興趣。」與其話「驚」,佢其實覺得自己同政治記者「mismatch」。離開咗大學嘅姚教授,其實仲好鍾意教人嘢,佢搞過茶聚同工作坊,教記者查冊同睇啲又厚又難睇嘅政府文件。

「我嗰陣接觸到啲傳媒,全部都係政治beat㗎嘛!我就開茶聚,同佢哋講話財委會裡面,政府交上嚟嘅文件入面有個價格調整準備金,但港鐵嘅合約就冇。對我嚟講呢個係好雀躍,發現咗個大秘密!政府講大話,呃咗市民二十年錢,哇!俾我捉到,政府終於坦白承認,我覺得係件好大好大嘅事嚟。但政治beat啲同事話冇興趣,佢話我唔明,呢下其實我有啲stuck咗喺度。」

佢話已經適應緊點同政治記者溝通,其實佢依家嘅政治論述都好清楚,睇嚟已經慢慢擺脫緊呢個陰影喇!

撰文:巫不言
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 124,043 views
  • 【大陸妻佗B仔】周永恒9月再做老竇:估唔到仲有女人信我(足本版) 77,978 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,556 views
  • 【為拍拖去到盡】港女為符意中人要求 3個月喪減40磅(足本版) 54,900 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,822 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,575 views