< 返回
  • 【青年禪修】禪修非佛教徒專用 廿歲學打坐平靜雜念
  •   9,306 views │ 2018年01月12日
    留言()

 

推廣正念修習的組織「一起靜」發起人鄒銘樂(阿樂)今年只有廿七歲,接觸禪修卻已有六、七年。阿樂笑言:「啲人成日講話,會接觸禪修嘅人得兩種,第一種就係佢個人好多苦難,第二種就係佢好聰明,好想尋求人生嘅大道理。我就好明顯係第一種。」當時阿樂讀副學士,要爭崩頭才可上大學,壓力爆煲,令他身體開始出現問題,感到疲倦且沒緣由地不停咳嗽,希望透過禪修減壓。他坦言,並非禪修能醫百病,只是它讓人可以得到真正的休息:「中國好多傳統文化都係你比自己靜落嚟。休息根本就係一個讓人健康嘅方式,好合理,唔係咩奇怪嘅講法。」

他當時二十歲,正值活力充沛之齡,卻跑去參加禪修,朋友覺得他老土過氣:「嗰時你同身邊朋友講,我去左禪修營呀,佢地會好詫異話:『吓,你去做咩呀?唸經呀?』又或者係佛誕嘅時候,大家一齊打緊邊爐,朋友就會問我:『今日佛誕喎,你唔洗做啲儀式、拜佛咩?仲喺度打邊爐?』」長大後,朋友開始踏入社會工作,聚會上大吐工作的苦水,反而向他表示想接觸正念修習,舒緩壓力。

五年前他在香港梅村皈依,每年都會參加不同的禪修營,亦有份統籌香港梅村青年計劃。阿樂坦言,近年多了年輕人接觸禪修,原因可能是年輕人的無力感愈來愈重。「年輕人讀完書出嚟,開頭會抱住一啲理想想實踐,但係社會比我哋嘅空間、資源同機會其實唔多,好難可以發揮到到自己想做既嘢。你嘅既選擇就係,一係屈服喺咁嘅條件之下,去做一啲唔係自己最想做嘅野。一係你就會好無力,唔知應該點做。」這種看不見出路的迷惘,令年輕人希望停下來,看清自己內心的想法,向內探索自己的可能性。

撰文:鄭靖而
攝影:王晴

相關連結:
【青年禪修】城市欠喘息空間 港青推廣城市正念禪修
http://bit.ly/2qBQZDX
阿樂六、七年前開始接觸禪修,當時跟他一同參加禪修營的人很多都是年紀較大,但他指近年已愈來愈多年輕人接觸禪修。
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 42,244 views
  • 【最浮誇明星之家】吳剛老婆首曝光 全家豪華裝出巡拋窒途人 35,114 views
  • 【毒海蕭正楠】大麻可卡因溝冰毒 元朗隱世村與世隔絕戒毒 34,685 views
  • 【坎坷身世大起底】苟姑娘嫁二奶仔 31,707 views
  • 【地鐵捕獲】邊個外賣look上車? 發哥:乘客睇手機唔睇周潤發 29,712 views
  • 【壹經典●富貴非浮雲】罕有被公開譴責 誠哥一生兩大遺憾 27,998 views