< 返回
  • 【看淡得失】睇中民間視后 古天樂擸實宣萱
  •   24,990 views │ 2018年01月17日
    留言()

 

宣萱舊年憑劇集《不懂撒嬌的女人》裡面Mall姐一角人氣爆燈,話晒係個好戲之人,勁多網民buy佢,力推佢係嚟緊無綫頒獎禮嘅視后!佢老友古天樂就有眼光喇,上年已經搵宣萱加盟自己開嘅經理人公司,擸實民間視后齊齊搵錢!「其實我哋無簽到,我哋係freelance合作形式,我哋唔簽字結婚嘅,我哋只係同居,到呢一刻都係,大家都覺得不如試咗先,試吓大家夾唔夾先,無謂一唔開心搞到好麻煩,又俾份合約綁住,因為以往經驗都係咁,經理人同藝人要夾嘅,就大家都相贏,而家合作咗四個幾月所有嘢都好順利!」

講到成為民間視后,宣萱話:「呢樣開心嘅,對我嚟講係緊要啲嘅,攞個獎返嚟好緊要就係大家同唔同意,唔會個個都同意,大家都有自己嘅喜好,但只要大部分人都支持,我覺得對自己嚟講已經好開心,唔一定要攞住個獎先叫最開心。」咁唔知佢對拎視后嘅信心大唔大呢?自己又有冇心水呢?「我覺得成數一般,因為始終已經攞咗馬來西亞嗰個,再攞埋第二個嘅機會其實係低啲,好老實講。不嬲都知TVB有佢自己嘅規矩,要衡量好多嘢,最終決定權始終都係公司。你話機會大嘅,前輩級機會都好大,菊姐、司棋姐、鮑姐全部都機會大,如果睇番啲後生嘅,同我同劇嘅唐詩詠,我覺得佢做得幾好,真係好嘅!」收到,明白,即係一加一唔一定係等於二啦!咁就睇吓無綫玩堅民選定價民意喇!宣萱,支持你呀!

服裝提供: Brunello Cucinelli

場地提供: Hexa @ harbour city (六公館)
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 124,043 views
  • 【大陸妻佗B仔】周永恒9月再做老竇:估唔到仲有女人信我(足本版) 77,978 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,556 views
  • 【為拍拖去到盡】港女為符意中人要求 3個月喪減40磅(足本版) 54,900 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,822 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,575 views