< 返回
  • 坐開篷巴士拉票 「巴膠」張秀賢感恩
  •   8,144 views │ 2018年01月19日
    留言()

 

舊年三月,曾俊華坐開篷巴士終極巡遊,為特首選舉做最後衝刺,超過五千名市民逼爆愛丁堡廣場,振臂為佢打氣呢一幕,相信唔少人仲記憶猶新。星期日初選戰中,學聯前常委張秀賢都出動開篷巴士巡遊拉票。

出戰新東嘅張秀賢,當日朝早開始坐開篷巴士,遊走將軍澳、沙田、馬鞍山、大埔等地造勢,亦有落車拉票。佢巡遊未及曾俊華咁有氣勢,但強調用巴士宣傳,有助鼓勵市民了解咩係初選同埋出嚟投票。

其實張秀賢細細個就已經係巴士迷,最開心就係考試攞高分,屋企人送玩具巴士俾佢做禮物。上星期東鐵綫全線癱瘓,咁啱喺大圍擺街站嘅佢,即刻發動「巴膠」技能,為街坊解答巴士路線。今次初選能夠坐佢最鍾意嘅巴士拉票,一定好難忘。

巴膠決戰新民主同盟范國威同工黨郭永健,三人之中佢年紀最輕,最終以最低分敗選而回。佢拉票嗰陣同《壹》仔講,今次係一個好可貴嘅經驗,不論輸贏都好,都學到好多嘢,「起碼你真係入過選舉,你先叫真係搞過政治吖嘛。」所以佢話好感恩,有今次機會可以參選。

撰文:巫不言
張秀賢(前)話曾俊華選特首都租過巴士巡遊,佢認為咁樣可以有效鼓勵市民出嚟投票。(張秀賢團隊提供圖片)
為咗造勢,張秀賢租咗架雙層巴士。佢話費用唔算貴,一個鐘大約千零蚊,佢由朝早九點租到下晝五點,計返大約一萬蚊左右。(張秀賢團隊提供圖片)
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views