< 返回
  • 與子偕老宣言賀楊明攞獎 莊思明:永遠陪你走下去
  •   8,476 views │ 2018年01月22日
    留言()

 

楊明喺大台捱咗20年,經過數次提名,昨晚終於,成功捧走大台嘅「飛躍進步男藝員」獎。楊明仲喺群眾壓力下,於台上以飛吻向女友表示感激。

而守在電視機前見證男友拎獎嘅莊思明,第一時間cap圖並喺社交媒體出post兼留言:「恭喜你終於喺香港攞獎啦!20年的確係一條好長嘅路,今晚證明咗你嘅努力同堅持係無白費。以後無論條路幾長我都會陪你繼續走下去,繼續努力,繼續加油!再一次恭喜你。 @matyeung#萬千星輝頒獎典禮2017 #飛躍進步男藝員#多謝你個飛吻 #在心中 #imsoproudofyou#loveyou」

嘩,除咗「條路幾長都會陪你走下去」呢句與子偕老嘅宣言,仲hashtag埋「多謝你個飛吻 」、「在心中」、「love you」,無錯係甜到漏,但亦都好閃好眼冤。

之後莊思明就花心思為男友安排咗個小小慶功宴:「終於等到你返嚟啦!無咩可以俾你,只能為你準備一個小型慶功宴!我專登出去買你最鐘意食嘅魚蛋燒賣。再一次恭喜恭喜再恭喜。」女友咁抵錫,睇嚟昨晚楊明除咗不停錫個獎之外,亦會不停錫莊思明錫唔停。啜卜>3<。

熱門新聞
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 102,902 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 70,391 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 67,758 views
  • 【赤裸的女人】34歲天體港女:著衫好束縛唔舒服(足本版) 56,194 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 54,147 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 49,544 views