< 返回
  • 【巧威威豬】李克勤唱好廣東歌收視第一
  •   5,438 views │ 2018年01月24日
    留言()

 

李克勤 日前率領英皇歌手泳兒同洪卓立,到廣州出席《2017粵語好聲音》音樂盛典,由於係最後一集,所以盛典開始前,大會特別安排歌手們行紅地氈入場,雖然當晚落住雨,不過fans們依然企滿紅地氈兩邊。早前,克勤已經為節目擔任過表演嘉賓,當時大會仲送咗件曼聯波衫俾佢做禮物𠻹;而泳兒曾經喺2014年嘅《粵語好聲音》(前名《麥王爭霸》)奪得冠軍;至於洪卓立就喺今季擔任過評審。今次三人齊集節目,一齊唱好廣東歌。

當晚李克勤唱佢首橫掃各大頒獎禮嘅年度之歌《失魂記》,同埋經典金曲《月半小夜曲》時,現場觀眾立即起哄,擘大喉嚨同佢一齊唱,克勤索性放底隻咪、豎起耳仔聽;泳兒除咗演唱代表作《花無雪》,同《如風》向王菲致敬;除此之外,洪卓立就唱陳奕迅嘅《明年今日》,同埋自己嘅暖心歌曲《回到最愛的那天》,全場氣氛熱烈。

音樂盛宴上,大會亦頒發獎項,英皇歌手陳凱彤奪得「2017粵語好聲音新人王」大獎、歌曲《音樂大童》獲得「2017原創粵語優秀歌曲獎」,而當晚嘅收視仲係廣東全省同時段綜藝節目第一名!巧威威豬啊!
洪卓立在節目唱咗陳奕迅嘅歌。
英皇歌手攞咗好多獎。
泳兒唱王菲嘅「如風」向佢致敬。
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 119,280 views
  • 【開片後的黑幫宴】勝和雞腳黑高調擺壽酒 艾威吳國敬現身密斟(足本版) 78,144 views
  • 【壹經典●四叔感情】前妻選美出身 四叔離婚後癡戀不再婚(足本版) 51,747 views
  • 【壹經典●四叔感情】李兆基前妻消失23年後 大型法會神秘現身(足本版) 41,893 views
  • 【好大方●被余安安介入?】陳煒與監製男友分手 繼續孖住開公司 (足本版) 40,331 views
  • 【慳自己唔慳司機】陳煒月慳5萬搬新竇 堅持請司機七人車接送 (足本版) 36,757 views