< 返回
  • 【豪語錄●暈倒後改變人生觀】黎瑞恩:應該尋找我嘅快樂
  •   27,195 views │ 2018年02月09日
    留言()

 

今年四月,係黎瑞恩相隔十六後,再踏上紅館嘅復出個唱。事業重新出發前,佢經歷咗離婚、胰臟生瘤,上年年尾仲入院割腹部一個瘤。風浪重重,但依家嘅佢反而比以前活得開心。因為經歷咁多,已經冇嘢可以再輸。提到一次因為胰臟瘤影嚮,喺超市暈低,醒番之後佢話:

而家會覺得時間好短暫,今日唔知聽日事,因為我記得上次暈嘅時候好得意,咁大個女未試過暈,天旋地轉嗰啲都未試過,嗰日企喺度突然間所有嘢好似走晒樣,兩隻眼好似有道門閂埋咁,我仲喺度嗌做咩呀、做咩呀,跟住就暈咗,就唔知發生咩事,覺得如果人生完結就係咁樣喇喎,都唔知咩事,覺得要開始珍惜而家擁有嘅嘢,唔好再成日唔開心,要開心啲,有得玩就玩,有得食就食。」

曾經走唔出離婚嘅創傷,情緒飽受折磨,好在身邊有劉小慧同李國祥

嘅開解。不過佢知道要離開負面嘅漩渦,最終都係要靠自己的選擇。「 我成日覺得要自己行番出嚟,無人幫到你,成日喺嗰度唔開心,不如跳番出嚟啦,點解會咁樣呢,要抽絲剝繭搵原因。」

 

放低曬以前嘅包袱,心輕咗,黎瑞恩覺得呢個下半場,先係佢最開心,精彩嘅時間。亦係真正事業嘅開始。「 我哋時間其實都喺度倒數緊,應該係由一出世就開始倒數,而家都四十五歲,如果我有九十歲命,都已經行咗一半,係咪應該尋找我的快樂,有啲嘢好想做就快啲做,

或者好想去邊度,快啲計劃,唔好話遲啲先。以前唔係咁接受新嘢,而家就咩都試吓 ..

例如你叫我去睇韓星演唱會,我真係唔會去睇,首先我唔知佢唱咩,我又唔識佢啲歌,但阿女叫我試吓去睇,睇咗一次之後,發覺又真係幾好睇喎。」

相關新聞:

【豪語錄●唔再鬱埋】面對胰臟瘤 黎瑞恩:心情好就係我嘅良藥

http://bit.ly/2nPO9aL

 

【豪語錄●同前夫一句說話復和】黎瑞恩唔再憤怒

http://bit.ly/2Bhcgq3
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views