< 返回
  • 【唐翔千逝世】岳父睇中高大兼怕醜 妻爆唐英年三歲邂逅郭妤淺
  •   11,512 views │ 2018年03月11日
    留言()

 

出生紡織世家的唐翔千,一直沒靠家蔭。五○年由上海來港時,曾是太太唐尤淑圻父親尤寅照的下屬。「爹哋任主管的洋行,有四、五個單身男仔。爹哋週日常請佢哋返屋企食飯、捉棋,以唐翔千最高大威猛,但最怕羞,成日唔出聲,爹哋媽咪覺得佢最好。」

兩人情投意合,拍拖一年即訂婚,翌年結婚。「佢同我唔敢越軌,只食飯睇戲,最多拖手。後來才知佢爸爸(唐君遠)同我爸爸,在上海早已認識。」

唐尤淑圻與唐翔千由相識至結婚,都沒跟長居上海的家婆見過面。直至長子嫡孫唐英年出世,她才跟姑媽,拖著三歲的唐英年回鄉探親。此行,竟間接為英年與未來太太,華達紗廠太子女郭妤淺(Lisa)牽紅線。

「一卡火車有四張床,我帶住兒子和姑媽瞓上、下格, Lisa媽媽同佢姨媽瞓正對面,坐完三日火車,大家就熟咗。親戚來接車,才知我阿叔同 Lisa姑媽喺上海好老友。Lisa媽媽見英年咁得意,仲話第時搵佢做女婿,點知笑話變成真。」兒媳青梅竹馬,唐媽媽亦視 Lisa如親女兒。

撰文:財經組

相關連結:
【唐翔千逝世】十七年前險爆腸死 太太搵李國章半夜開刀
http://bit.ly/2IgvY6s
唐家在九龍塘的兩層高三千呎大宅,是唐翔千於六十年代中投地興建。尤淑圻說:「一共有十八個 no.,每個 no.十幾萬,我自己住一間,部分原價賣俾親戚。」叔叔唐宏源,現就住於隔籬屋。
尤淑圻每週二跟跳舞老師學社交舞,當 keep fit。「我十多年都係一百零八磅,無肥過。」
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 107,788 views
  • 【開片後的黑幫宴】勝和雞腳黑高調擺壽酒 艾威吳國敬現身密斟(足本版) 77,663 views
  • 【壹經典●四叔感情】前妻選美出身 四叔離婚後癡戀不再婚(足本版) 50,227 views
  • 【壹經典●四叔感情】李兆基前妻消失23年後 大型法會神秘現身(足本版) 40,507 views
  • 【好大方●被余安安介入?】陳煒與監製男友分手 繼續孖住開公司 (足本版) 35,004 views
  • 【易服爸爸】易服男夜店扮女人 供兒子讀大學(足本版) 34,572 views