< 返回
  • 【生意●機會自己爭取】美國眾籌$5萬 又獲老外免費借場賣鞋
  •   4,261 views │ 2018年04月15日
    留言()

 

兩位剛剛畢業的九十後,Angus(高俊傑)和Jason(馮天佑)去年成立Erth Company,以竹棚回收做帆布鞋Bam-On,做生意最驚無錢賺,做時裝就最驚俾人抄,不過兩位九十後創辦人,對呢兩件事就表示未驚過,仲話想俾人抄點解呢?

現時Erth Company的所有工序都設置在中國大陸,訪問其間,記者就憂慮內地廠房擁有大量資源,如果知道有免費渠道可以獲得竹棚,他們這盤生意豈不是見財化水?兩位九十後創辦人卻反其道而行,豪氣又笑笑口講到:「我反而想俾人抄,因為好嘢先會被人抄,被抄都代表有名氣,亦代表你嘅產品好成功,所以唔擔心呢方面,加上如果佢抄襲嘅話,我哋個環保概念其實被人運用咗,咁始終對社會同世界會好咗,我認為喺一件好事,始終我哋宗旨都係想世界變得好啲。」

雖然現在每月營利只是剛剛達到收支平衡,而且兩人其實都身兼兩職,早上完成正職的工作,到晚上假期才會經營這盤生意,但兩人都表示唔辛苦,仲愈做愈有幹勁。

生意上未必受到香港人支持,但在外國一對Bam-On就有不少捧場客,上年六月兩人就開始在美國眾籌網站Kickstarter集資,推出數日已經收到來自世界各地的訂單,其後更在該網站獲得「project we love」的獎章,令項目有更多人接觸到,最終成功獲得五萬元的資助,而且因為各方支持,令經營這盤生意的成本不高,二個月前經朋友介紹,找到兩位同樣經營綠色時裝的波蘭籍店主,四人一拍即合獲店主支持免費在其元創方店舖寄賣,有助他們的產品接觸到更多外國和文青顧客,而且Jason亦得到家人支持,可以在尖沙咀免費借用其辦公室作存倉用途,對他們經營這盤生意都減輕不少負擔。

雖然現在每月營利只是剛剛達到收支平衡,但根據過往兩人擺攤的經驗,他們發現賣鞋墊可能比賣鞋賺得更多,事關有不少老一輩對竹造產品情有獨鍾,但又礙於帆布鞋新潮而卻步,過往擺攤時,他們就被問到可否拆售鞋墊,但因為他們經營這盤生意的宗旨,是透過Bam-On這雙鞋重新包裝回收和可持續性的概念,所以他們視整對鞋為是一個媒體,而拒絕放售。Angus感噗香港「講環保」的人很多,但實踐的人很少,其實每年香港有近於五百萬支竹棚,因為安全理由,經一次工程後就會被拋棄到堆填區,Erth Company想以一個全新的形式,拉近環保與大眾的距離為香港出一分力。
營業資料(3/2018)
營業額: $20,000
租金: N/A
雜費: $500
盈利: 15000

開業成本(8/2017)
眾籌: $53,800
鞋覆組裝費用: $30,000
運輸費用: $5,000
公司註冊: $5,000

撰文:陳世鍾
攝錄:李育明
熱門新聞
  • 【公屋仔70萬豪裝居屋】394呎變成4房 有書房仲有衣帽間(足本版) 96,614 views
  • 【新抱紛紛反奶奶】晾條底褲奶奶都好多不滿 新抱阿Ann:忍唔到要爆啦(足本版) 89,565 views
  • 【港女最驚係呢種】男人話請去旅行 港女唔肯驚人呃蝦條(足本版) 60,678 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 58,002 views
  • 【陶傑點醒港女】想嫁有錢有樓靚仔 港女比白雪公主更虛幻(足本版) 39,948 views
  • 【公屋仔變居屋仔】70萬豪裝394呎居屋 港男交出公屋:住會舒服啲 (足本版) 39,626 views