< 返回
  • 【石澳淪陷日】假期玩殘石澳 村民:直情喺我屋企樓梯打卡
  •   17,421 views │ 2018年05月14日
    留言()

 

不少遊人都會趁著假日到石澳沙灘享受陽光與海灘,或是到附近的龍脊行山,連石澳村也成了遊人常到的熱點。

石澳村不少民居的外牆都髹上鮮艷顏色,看起來甚有歐陸風情,吸引不少遊客在屋前、樓梯前打卡拍照。村民潘先生家的外牆是湖水綠色,不時有遊客站在他家樓梯拍照,他無奈地說:「如果冇咩大妨礙都盡量算,因為坐喺樓梯度,都冇話上到屋企,咁就算喇。」他說近來多了很多內地遊客到村內拍照,村內交通更繁忙,「人多嘅時候,返石澳嘅時候排隊排到天橋上面,老人家冇咁方便。」村民金婆婆亦表示,今年遊客特別多,長假期間等巴士更是大排長龍,「我哋排隊出外面,四、五點出去都排長龍,起碼等個幾兩個鐘先排得到。」

住在馬路附近的PAUL指,石澳遊客多也是無可厚非,「遊客多到數都數唔盡,成日都好多人經過,尤其係夏季。但係旅遊地方當然會人多,等如我哋去外國旅遊,都係去啲熱門地方。」遊客多亦令泊車位變得緊絀,「尤其是夏季,我哋星期六、日都唔敢開車出去,因為返嚟就冇車位。你一係要早出晚歸,有幾夜得幾夜返,因為遊客喺沙灘玩完,六、七、八點就會走,咁相對就會有車位騰空出來。」

村民林女士則指,有遊人胡亂扔垃圾,亦有人在沙灘上露營,「譬如有幾天假期就會有好多人來搭帳篷,佢哋又喺度煮嘢食,將廁所整到好污糟。」

撰文:鄭靖而
攝影:王偉洪

立即按此連結下載《壹週刊》APP:http://bit.ly/next28app

相關新聞:
【西貢淪陷日】居民長假驚恐症 港女:西貢住係一件好慘嘅事
https://bit.ly/2rzd43R
【假日後遺症】黃金周後大量垃圾 鹹田灣沙灘垃圾收集區爆滿
https://bit.ly/2KTxjl9
熱門新聞
  • 【公屋女富貴之路】住3000呎大屋Cammi箝實賭廳老闆 飛甩強國富二代水源充足 38,407 views
  • 【洗米嫂堅挺Body】狂舉十公斤操到有背肌 身材砌低後生女 34,108 views
  • 【四千萬嫁妝過門 】37歲阿嬌下周做人妻 老闆楊受成再加碼750萬厚禮 30,173 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 29,784 views
  • 【最浮誇明星之家】吳剛老婆首曝光 全家豪華裝出巡拋窒途人 27,717 views
  • 【地鐵捕獲】邊個外賣look上車? 發哥:乘客睇手機唔睇周潤發 26,164 views