< 返回
  • 【Model界#MeToo風暴】公開場合摸臀被偷拍 受害Model反被質疑搏出位
  •   6,106 views │ 2018年05月15日
    留言()

 

近年「#我也是」(#MeToo)風潮鼓勵受害者站出來,抵制性騷擾或性侵犯,不過有本地女模特兒公開有關慘痛經歷後,反遭輿論指責「搏出位」。

模特兒李韋璇(Isis)近年多擔任推廣活動主持,在公開場合不時遭遇「鹹豬手」。「在一個商場開幕,請咗主禮嘉賓上台,我站了在側邊,被佢哋(色狼)可以乘虛而入,喺我身邊攝出來,摸我嘅hip位、pat pat位(臀部位置)。」她當時立刻著身邊工作人員捉住疑犯,惟工作人員卻反應呆滯。

「佢系個腦空白過我,吓唔系架,我一陣要上去收鉸剪,我要escort(護送)人落黎,唔係喎,洗唔洗同老闆講呢,他仲提出咗好多唔同嘅問題,我就同佢講:『不如你捉住佢先啦,問清楚先』,但後來都喺畀佢走咗。」

案發時Isis在活動中設置相機攝錄,記錄自己的工作情況,事後她翻查相機,發現整個犯案過程已被拍攝下來,足以頂證犯案者,不過主辦活動的企業卻懶理。「佢地都覺得,佢走咗啦喎,如果你想追究嘅話,我都唔介意同你報警備案,不過就都應該無咩用啦。」

更有一次遭偷拍經歷令Isis陷入情緒低谷,出街要戴口罩才有安全感。Isis將在巴士上偷拍她的男子相片放上社交平台上聲討,後來發現原來該男子是一名公眾人士,部分網民質疑她「講大話」、「搏出位」,Isis飽受輿論壓力之下沒有作進一步行動。

雖然事隔半年後她已走出陰霾,惟對這次經歷不欲多提。「當時輿論既壓力其實好大,我都用咗成年嘅時間嚟同自己講,即系自己上咗一課就算啦。」不過,她希望大眾改變對模特兒的偏見。「你唔可以以我喺一個model,或者我喺一個幕前人,我講嘅野就喺炒作,呢個咁唔公平嘅點來打我呢一樣野。」

另一同場的模特兒蘇菲雅(Sofina)則認為模特兒收到工作邀請時要小心考慮,從對方的表達方式、拍攝地點、拍攝風格,以及指定模特兒的衣著等,來考慮是否接受邀請,安全至上。

模特兒是被性騷擾的高危行業,有中介公司希望從女性角度出發,加強保障模特兒在職場上的安全。開模特兒經紀公司的劉依靜指,現時大部分模特兒公司由男老闆主導,男士未必具足夠的敏感度。

劉稱其公司主張從女性角度出發,若旗下模特兒會到偏僻地點進行拍攝工作,她會安排員工同行拍攝,一旦遇上危險亦有照應。此外,她在拍攝工作前會替模特兒檢查所穿著的衣服會否太透薄,或容易走光,亦會提醒模特兒帶備「打底」衣物,以防萬一。

撰文:邱嘉幸

攝錄:林金展
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 92,538 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 72,898 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 69,055 views
  • 【大陸妻佗B仔】周永恒9月再做老竇:估唔到仲有女人信我(足本版) 66,444 views
  • 【為拍拖去到盡】港女為符暗戀者要求 3個月喪減40磅(足本版) 52,150 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,308 views