< 返回
  • 【港女八次入北韓】神秘國度人民純樸 美女北韓深度遊:愈去愈唔了解北韓
  •   8,290 views │ 2018年05月22日
    留言()

 

北韓這個地方,在一般人的眼裡既封閉又神秘。80後北韓導遊Katherine已經至今已經去過北韓八次,足跡踏遍北韓東南西北。她身旁不少朋友都對她的職業表示好奇又羨慕,總希望聆聽她的經歷及故事。但她卻坦言:「有啲人會有一個講法,就係去北韓呢個地方,係愈去愈睇唔清睇唔透。」

Katherine的掙扎,源於多次接觸當地的人後,發現自己越接觸得多不同的人,越不能為這個地方下一個定論。她認為,愈去認識,愈了解這個地方最光鮮一面,同時亦都會了解到她背後發展的地方,以及歷史遺留的傷痕。「再加埋一路累積,就愈嚟愈發覺原來唔可以咁簡單去判斷一個地方,可能做嘅係好唔好、啱定唔啱,我諗呢個係對自己一個成長,一個得着嘅地方。」

很多人都會問她,你覺得自己在北韓看到的,有多少成是真的,多少成是假的?對此,她有自己的一套看法:「好多人都會問,嗰度啲人係咪演員嚟㗎,或者點樣。對我嚟講可能有時有啲場景,未必係最自然嘅狀態,但係我相信接觸到嘅人,佢嗰種個人嘅情感,佢嘅表達,我會覺得係真實嘅。」

導遊看政局

以往Katherine和北韓人就外交政治問題交流的時候,北韓人總會認為不能放棄核武。「佢哋認為因為一放棄軍事,啲大國就會去打佢哋,或者會騷擾佢哋。」

近日南北韓外交關係似是破冰,但同時又充滿著變數。Katherine認為,北韓始終不能越來越孤立。「之前核試到制裁,到中國都簽署同意制裁時,其實對北韓打擊都幾大,到而家其實要開放番有機會做到嘅外交、經濟、交流,其實對佢哋嚟講好重要。」她又有感事態發展迅速,時區也統一了,「但係政治嘅嘢就真係好變幻原是永恒,都好難講,純粹個人感受當然係希望可以開放,希望多啲資源流入去發展到,市民生活可以愈嚟愈好,糧食充足。」

問及覺得自己還會繼續這份工作多久?她目前為有一個確切的答案。「一來我有朋友喺嗰度,我想見佢哋,二來就係好想繼續認識,唔想停留喺呢個點。有時係會沉重,或者攰到想唔去,但係又會好期待再去,再了解多啲。但係我覺得長遠嚟講,呢個都係一個幾有情意結嘅地方,我都會好想繼續去認識。」

有人說,這些「深度遊」只是為遊客展示北韓最美的一面,是為這個極端政權塗脂抹粉,但她表示,深信旅遊業並未非佔其全國GDP很大部分,未算能資助其發展軍事。同時,她更是希望透過與當地人有限度的交流,能為這個地方帶來點點改變。「我唔敢講話可以帶嚟啲乜嘢好大嘅改變,但我覺得透過逐小逐小,同一啲學生、年青人去傾偈時,起碼俾佢哋接觸到,原來出面個世界係咁樣。」

撰文:黃心悅

攝影:王晴
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 124,043 views
  • 【大陸妻佗B仔】周永恒9月再做老竇:估唔到仲有女人信我(足本版) 77,978 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,556 views
  • 【為拍拖去到盡】港女為符意中人要求 3個月喪減40磅(足本版) 54,900 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,822 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,575 views