< 返回
  • 【曲奇餅衝出香港】飛溫哥華搵店舖 謝寧:力不到不為財
  •   6,801 views │ 2018年08月08日
    留言()

 

由謝寧及友人齊齊開設嘅餅店曲奇四重奏,喺香港大受歡迎,更成為咗不少的香港手信,很多移居外地的華人,回港探親時,也會去掃貨當手信。最近謝寧飛了過溫哥華,因為當地嘅商場Richmond Centre同「Cookies 18」合作成為經銷商,所以創辦人之一嘅謝寧親身到場視察一下,仲接受埋當地電台,由李婉華小姐主持嘅訪問添!

節目裡面,李婉華同謝寧傾咗好多嘢,其中一樣係問佢當年點解會以曲奇餅做生意,謝寧就話:「當年離咗婚,千祈唔好放棄自己,要積極啲諗吓點樣去生活,賺錢養自己,唔好靠人。咁我又唔鍾意拍戲,有咩可以做呢?我發覺煮嘢食都可以做到一樣嘢出嚟,就將件事開始變成一門生意。有時候喺街撞到人,佢會話『你就好啦,我都好想離婚呀,自己做嘢!』千祈首先唔好諗離婚,做嘢可以做,要睇時間、機會。」搞笑嘅謝寧仲以「過氣港姐」去形容自己!

訪問中謝寧亦有透露將在溫哥華物色合心水的店舖,如果睇啱的話,曲奇四重奏就會有海外分店,李婉華大讚佢係一個好有頭腦及良心嘅老闆娘,又會一手一腳落店幫手,謝寧說:「做嘢一定要落手落腳,力不到不為財。」
位於溫哥華的商場Richmond Centre,最近同「Cookies 18」合作成為曲奇四重奏的經銷商。
正如謝寧所說「力不到不為財」,當日一落機,佢就直接去咗電台接受李婉華訪問!
除咗電台訪問外,謝寧還接受了當地的龍祥頻道訪問。
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views