< 返回
  • 許靖韻内地首場歌友會 直播觀眾破百萬
  •   4,699 views │ 2018年08月09日
    留言()

 

許靖韻(Angela)最近可謂社交媒體嘅寵兒,8月8日,騰訊音樂娛樂集團聯手英皇娛樂為Angela於北京舉辦首場「《K歌之王》音樂尊享會」,演出現場全場爆滿。作為Angela内地首場歌友會,此次活動由四大平台同時喺網上全程直播,合共錄得超過百萬觀眾收睇,成績非常理想。

Angela以一身白色修身長裙登場,自彈自唱《白玫瑰》打開序幕,網友見到呢身打扮紛紛大讚Angela有陣仙氣飄出嚟。緊接其後唱出《男人KTV》國語版,Angela選唱時原來有一份用心,「國語版嘅原唱係胡彦斌老師,之前參加節目時曾經合作過,講過好希望將來同佢合唱,如果擁有一首由佢創作嘅作品就真係再好不過啦!」Angela今次可謂憑歌寄意,仲講笑叫歌迷記得網上狂tag胡彦斌,實行集氣將願望實現。

Angela更向歌迷大派褔利,邀請咗五位觀眾上台玩急口令,又親手送出簽名相同CD,歌迷顯得相當受落。主持人又問起Angela喜歡歌迷點稱呼自己,Angela:「其實好多稱呼都好搞笑,不過我最喜歡嘅係叫我“港姐”。」

壓軸唱的《K歌之王》成為全晚最高潮,Angela事後分享:「呢一刻係全晚最深刻,當我encore表演《K歌之王》,今次係全場大合唱,好開心,個種感動好難形容呀!」Angela又謂演出前一晚真係好緊張,擔心到瞓唔著:「開騷前就怕冇人嚟,過程中見到台下有同事面色凝重,又擔心係咪直播有問題,結果係因為佢俾現場氣氛感動到唔識反應。我出道咗八年,走到今日有屬於自己的歌友會,有過百萬收看率,我真係好感恩,俾大家嘅熱情融化咗呀!」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views