< 返回
  • 【往績連連】反對侍產假被圍插 廿蚊張刻薄勞工逐格睇
  •   308 views │ 2018年08月10日
    留言()

 

精彩足本內容,請點擊:http://bit.ly/2Mc9BDZ

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

政府提出修改法例,將男士有薪侍產假由三日增至五日,打工仔特別是準爸爸媽媽當然舉腳贊成,但身兼行會成員的立法會議員張宇人就另有一番高見,挑起打工仔的怒火。

事緣「廿蚊張」早前直指侍產假「一日都唔應該有」,仲用自己年輕時經歷舉例:「以前我們沒有侍產假又如何?以前我們太太沒有產假又如何?」

他昨日上電台時仍然堅持侍產假「一日都唔應該有」,仲話工人貪得無厭,先例一開無止境地要求增加假期,形容侍產假是「壓垮駱駝的最後一根稻草」,對中小微企影響甚大。

之不過,昔日勞工保障不足,社會環境也不能與現在相比,張宇人對侍產假言論被工會炮轟之餘,網民也你一言我一語抽水圍插。

「以前食開樹皮。」

「以前無手提電話,咁你咪堅持寫信發電報囉。」

「廿蚊張」言論唔單止換來打工仔罵聲,就連自由黨黨友田北俊都加入踩多腳:「依家啲年青家庭,生小朋友最多咪一個起,兩個止。成世人都係幾日侍產假啫,使唔使咁呀?」可見此番言論幾惹人反感。

事實上,每當講到勞工議題,張宇人唔單止永遠站在打工仔對面,而且句句刻薄。在他眼中,似乎僱主才是被「剝削」的一群。

《壹》數一數,張宇人最經典一役,當然要數到二〇一〇年初本港展開最低工資立法,他提出將工資水平定於二十元,即遭全城圍攻,更為他換來了「廿蚊張」外號一直流傳至今。

往後當講到其他勞工福利、強積金對沖問題等等,「廿蚊張」仍積極為老闆發聲。例如一五年九月他在電台談及取消強積金對沖時,直斥工會不停「打僱主荷包」。

「工會將我哋中小微企凌遲,一忽忽咁割。」

同年二月,立法會一個委員會討論將法定假期劃一為十七日,「廿蚊張」反對之餘仲話打工仔都希望星期六、日有假放,但自己作為老闆都好難有假放咁話。

之不過,若打工仔想將「廿蚊張」踢出立法會,睇怕都唔容易。皆因他所屬的飲食界功能界別,選民大多數是飲食業界老闆,打工仔冇份選。所以除非佢主動退下唔再參選,否則都好難踢走佢。

撰文:巫不言
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views