< 返回
  • 【乜又係你呀田生】舊樓窗戶離奇失蹤 日曬雨淋有機會冧
  •   12,628 views │ 2017年09月13日
    留言()

 

市建局最近喺土瓜灣嘅重建項目,終於向業主發出收購建議,《壹》仔聽聞「收樓專家」田生地產同時都有向呢班業主埋手。睇返田生網頁,佢哋收購緊或成功收購嘅項目,加加埋埋有五十五個,當中唔少項目仲係一次過收幾幢樓。

《壹》仔去睇過田生收返嚟嘅樓,發現部分未成功收購或者等緊重建嘅唐樓,被人拆哂窗。例如超過六十年樓齡嘅長沙灣永隆街十一號,附近街坊話有人偷走哂啲窗,令「騎樓」位日曬雨淋,仲不時有陌生人上樓過夜。單位入面嘅情況真係幾差㗎,抬頭就見到生銹嘅鋼筋、布滿青苔或者石屎剝落嘅天花,地下就有積水。

香港測量師學會前會長何鉅業話,雖然建築物唔會有即時倒塌危險,但雨水同潮濕天氣令到鋼筋生銹,對結構造成風險,「如果佢長時間潮濕同有水滲入去地板、橫樑等,令到入面嘅鋼筋持續生銹,導致石屎剝落,就會影響結構嘅穩固性。」唐樓嘅「騎樓」部分就更危險,因為「露台下面無柱嘅支撐,只係靠橫樑。」如果長時間缺乏維修,就有可能導致倒塌。

田生回應:「田生地產有限公司主要業務是以代理人身份協助併購舊樓項目。」需時查核,暫時未能提供資料。

撰文:巫不言
熱門新聞
  • 【公屋女富貴之路】住3000呎大屋Cammi箝實賭廳老闆 飛甩強國富二代水源充足 37,368 views
  • 【嫁入百億富豪家】31歲《宮心計》李美慧 直升機閃婚56歲富商曾文豪 35,711 views
  • 【洗米嫂堅挺Body】狂舉十公斤操到有背肌 身材砌低後生女 29,938 views
  • 【被MissHunny奚落】Myar麥芽打贏官司重新出發 向青春說sorry! 29,248 views
  • 【四千萬嫁妝過門 】37歲阿嬌下周做人妻 老闆楊受成再加碼750萬厚禮 29,056 views
  • 【夜總會打爆鼻樑】《飛虎》吳岱融喜愛爛蒲得罪黑幫 感激鍾淑慧諒解:佢冇鬧我 28,366 views