< 返回
  • 網紅女友搭路 吳卓林萬五蚊做攝影師
  •   36,071 views │ 2017年10月12日
    留言()

 

十七歲的吳卓林正值反叛期,近幾個月同吳綺莉的關係插水下滑,同時被傳媒揭發與三十歲的加拿大網紅Andi於北角劏房同居。上週四(五日)剪了一頭skin head的卓林,於Ig貼出「I'm Gay」,正式宣布出櫃。已有三個月無見過女兒的吳綺莉,唔想母女關係再惡化,冷靜表示「正在適應中」。

但對於卓林未成年要做攝影師,養起三十歲的Andi卻話中有話:「其實阿女有能力照顧三十歲的女友,做阿媽嘅都感到慶幸,我會視而家的情況係佢嘅人生經歷,係體驗生活。」吳綺莉說。

現時吳卓林於香港網紅Ceci開設的Sense7 Studio任職攝影師,月入萬五。據了解,卓林毫無工作經驗,都可以快手搵到工,全因女友Andi出手「搭路」所致。「Andi同Ceci識咗好多年,知道佢公司請人,就游說Ceci搵卓林試吓。」知情人士透露。

本刊聯絡到卓林的老闆Ceci,她承認卓林已在公司上班兩星期,「佢好新,諗嘢好特別,好creative,好盡責,我哋都好鍾意呢個新同事,幾幫到手。」Ceci說。

上月底投身打工仔行列的卓林孖住老闆Ceci同模特兒殺落銅鑼灣名店坊開工,同model指手畫腳溝通好,便開行摩打不停影,每影完一個shot都例必問老闆意見。一口氣影足個多小時,趁住model換衫轉妝,終於有得抖吓,卓林坐埋一邊扯煙篤電話,工作以外,與同事極少交流。接近五時,拍攝工作大致完成,大隊未撤退,卓林已急不及待交帶一聲,便跑落去地鐵站,連八達通都冇,要買飛先可以搭車走人。

相關文章:
吳綺莉唔肯買40萬債券轉校 17歲卓林出走停學兼出櫃認愛
http://bit.ly/2yEtRrL
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 51,815 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 48,313 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 44,746 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 37,623 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,714 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 29,409 views