< 返回
  • 【民主老人】細黃伯從未退場 七十三歲做埋社運
  •   10,767 views │ 2017年10月13日
    留言()

 

「閂咗把遮佢啦!都冇太陽。」

「冇太陽都要撐,呢個係意識形態嚟,要堅持。」

雨傘運動三周年,佔領者再聚於添美道,等候下午五時五十八分,代表香港警察在三年前發射第一枚催淚彈的一刻,一起倒數,一起舉傘。

社運紅人細黃伯和「跟得夫人」黃太,早約好當年戰友,下午在金鐘飲茶,再一同去撐傘。細黃伯無論幾「細」,亦已七十有三,被尊稱「細黃伯」,全因當年佔領區有太多黃伯,例如同座上的「大黃」和「中黃」。

九十三歲的大黃伯百病纏身,細黃伯隨口可逐一數出他的病歷,「又血糖高、又膽固醇、又血壓,好喇,依家就到隻腳類風濕成日嚟,因為佢後生行船,浸得水多。」

三黃中,中黃伯身體最好,「我一得閒就搭船去南丫島,行一個鐘去索罟灣,剝衫就跳落海游!」年近八十,中黃伯不但身體好,中氣亦十足,難得酒樓有阿姐推點心車,他一大聲呼叫,就可以叫停幾部車。

許多人都說,傘運後所感受到的政治無力感,更重。

細黃伯數年前耳朵逐漸變得不靈光。佔領後,他左眼出現黃斑病變,現時視力只剩三成,幾乎等於失去左眼視力。

三年前留守金鐘二百六十三日,運動過後,鏡頭前仍不時見其身影:大清早去壁屋接曾健超出獄、在灣仔區域法院聲援佔旺被捕者 他繼續瞓身參與,一有機會就撐黃傘,「邊度要人我哋就去邊度。」

飲兩個鐘茶,三黃拍的合照沒有一百也有幾十張。細黃伯見到友人手機拍的照,還點評:「你部電話影得好啲!點解我部電話影出嚟咁暗?」

長輩圖橫行的年代,長者會用智能電話,早已不是稀奇事。但細黃伯轉發的不是「祝你闔家平安」的蓮花圖,而是「請廣傳」的遊行示威呼籲。「我見到個孫仔做功課,點解會唔使去圖書館搵都有資料?就慢慢去摸索。」當年的電腦盲,去社區中心學用智能手機,「掂喎,玩玩吓又掂喎!」

各社交平台和通訊軟件中,細黃伯在管理超過二十多個跟社運有關的群組。

其中一個Facebook不公開的群組,就有六千多名成員,「有免費嘅平台俾我哋,點解我哋唔用呢啲平台,將我哋嘅理念散發出去?」黃伯道來。

在面書上出post呼籲、share新聞、開live,細黃伯早將社交網站玩得出神入化,打卡不在話下,連hashtag也用得精準,中秋晚上,就「#在囚的良心犯你們安好嗎?」

「有樣嘢黃伯最叻,叫做不恥下問。我一唔識就『喂!你後生仔,教吓黃伯點樣cap圖。』、『喂!你後生仔,教吓黃伯點樣將呢段訊息download落嚟。』一次唔識,學第二次。」

去年大年初二旺角騷亂,他與黃太也留至凌晨,「十點鐘左右啲人開始多,我見勢色唔對,我有個WhatsApp群組入面都有成七八十人,我即刻吹雞撤退去山東街,唔可以喺朗豪坊度助長佢哋嘅氣勢。」

撰文:劉卓瑩
攝錄:李育明、倫星揚
熱門新聞
  • 何雁詩強迫棄養 鄭俊弘用倒鈎鐵鏈綁狗 243,374 views
  • 鄭俊弘把口話狗仔好乖 為氹女友將愛犬送走 44,384 views
  • 鄭俊弘被雪零收入身材暴漲 買嘢搵何雁詩埋單 38,594 views
  • 【難忘舊仇】梁思浩拒做《百萬富翁》嘉賓 請主持陳志雲食檸檬 28,333 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 28,254 views
  • 多災多難 何雁詩戀鄭俊弘連阿爸都唔撐 26,698 views