< 返回
  • 【中環人語】絕密文件曝光 釋健釗釋心慧「投資有道」
  •   35,253 views │ 2017年11月15日
    留言()

 

冇錯,又係佢哋,釋心慧同釋健釗,佢哋俾人影到喺夏威夷歎世界,釋心慧仲著住比堅尼露屁股曬太陽,佢哋嘅料愈爆愈多,愈揭愈臭。

今次話你知,釋心慧財來自有方,佢同釋健釗係南天竺寺嘅董事,由於南天竺寺屬慈善團體獲稅局豁免交稅,董事係唔可以收取酬金,之但係根據我哋收到嘅絕密文件,釋心慧同寶蓮寺高僧釋智德喺一間叫「梵唄和音有限公司」嘅私人公司擔任董事,一月至三月份收取七萬五千元董事袍金,平均每個月兩萬五千蚊,好過唔少打工仔收入,相當和味。

呢間公司實際業務係咩就唔太清楚,但就肯定同南天竺寺有關,因為公司嘅註冊地址正正就係釋心慧揸fit嘅南天竺寺。除咗釋心慧,亦有五人收取顧問費,包括寶蓮寺前任住持釋智慧同現任住持淨因。查實成日周圍飛嘅釋心慧生活不知幾咁多姿多采,成日喺Facebook打卡,去過北京米芝蓮餐廳食嘢,又去過北海道旅行,而家仲揸Jaguar新車,好多網友都呻入錯行,原來出家可以咁歎。

寶蓮寺資產達十三億元,有名你叫「寺院界富豪」,寶蓮寺喺夏威夷嘅分會都唔差,持有夏威夷銀行等股票,長期投資逾三百多萬元,一五年用八十三萬元買蘋果公司嘅股票,鍾意影相打卡嘅釋心慧,會唔會都係果迷呢?雖然醜聞多籮籮,近日釋心慧同釋健釗仍「拍拖更」出席上海佛教活動,釋心慧刻意站在釋健釗背後,你有你鬧,佢哋照樣笑面迎人。

寶蓮寺資產達十三億元,有名你叫「寺院界富豪」,寶蓮寺喺夏威夷嘅分會都唔差,持有夏威夷銀行等股票,長期投資逾三百多萬元,一五年用八十三萬元買蘋果公司嘅股票,鍾意影相打卡嘅釋心慧,會唔會都係果迷呢?雖然醜聞多籮籮,近日釋心慧同釋健釗仍「拍拖更」出席上海佛教活動,釋心慧刻意站在釋健釗背後,你有你鬧,佢哋照樣笑面迎人。
二人話知你點講,照樣「拍拖更」出席上海佛教活動。
釋心慧(左)與釋健釗出席活動,不忘為釋健釗拍照。
儘管醜聞多籮籮,釋心慧還是照舊在WeChat朋友圈上載多張釋健釗的相片。
熱門新聞
  • 李明蔚經歷42次電療化療 馬浚偉助出碟圓心願 46,175 views
  • 【舊區淪陷】大陸旅客逼爆街 街坊:十年嚟無覺好瞓! 42,093 views
  • 對住老公皺晒眉 47歲陳慧珊面色枯黃keep唔到 40,894 views
  • 【醫生與您】薄血藥與通波仔的迷思 38,933 views
  • 【遇到好人的士佬】陳少霞左巨鑽右珍珠 伸一伸手貴過人 35,899 views
  • 【豪語錄】從黎明中學習!樂基兒:唔怕受傷害 35,538 views