< 返回
  • 【2018狗年運程】麥玲玲批狗年港股未震完 買咩股票最穩陣?
  •   18,786 views │ 2018年02月14日
    留言()

 

踏入2018年,港股累創歷史新高,不少大行都提高恆指目標,更曾有言衝破四萬點不遠矣,但自二月四日立春後,港股即隨外圍下瀉逾3000點,今年所有升幅化為烏有。由玄學角度分析又點睇狗年後市?堪輿學家麥玲玲示警,港股大有機會再出現股災,投資者要相當謹慎!

在立春前,麥玲玲已指,因狗年為戊戌年,天干地支都是土,「成年都唔太樂觀 因為戊戌嘅立春八字唔見財星。反而丁酉年(2017雞年),因為偏財旺,完全係一個炒賣年,好多人都容易賺到錢,但今年係倒轉,見唔到依個境況,所以買股票嘅朋友都要十分謹慎。」她更明言,到農曆四五六月,大家都要十分小心:「今年真係 驚有股災。」

玲玲師傅續指,整年市況較好的時間就只有農曆七至八月:「但去到農曆九月,就會有回調跡象,變咗我哋都要好謹慎 。」她更明言歐美情況會比香港更差:「嗰邊都容易有股災,或者熱錢無咁多情況,美國等地會更加麻煩。」

狗年港股弱勢,豈不是整年都不用炒股?玲玲師傅就指未必:「立春八字之中,以木火為旺,木指藥業、一啲環保嘅嘢,火係石油嘅嘢,依啲反而會睇高一線。電子嘅嘢、電子商貿、溫度高嘅嘢,火旺嘅嘢反而好啲,金水嘅嘢今年唔太有利,好似航運、物流、航空業嘅嘢。」她更補充,因狗年財位在東南方,東南亞的股市會變得暢旺。

撰文:梁延宇

攝錄:關永浩
熱門新聞
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 102,902 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 70,407 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 67,764 views
  • 【赤裸的女人】34歲天體港女:著衫好束縛唔舒服(足本版) 56,196 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 54,152 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 49,558 views