< 返回
  • 【二人三足】 鄧穎芝訓練獨腳Christine參加障礙賽:人生原來好精彩
  •   8,681 views │ 2018年03月14日
    留言()

 

「人生原來好精彩,之前覺得人生好似一個監牢,好灰白,乜都做唔到。」CHRISTINE說。

「教導Christine時,其實都有幾件事觸動到我,一開始我已經覺得佢好犀利,唔介意人哋點樣睇佢。」鄧穎芝說。

鄧穎芝舊年攞到健身教練牌,朋友介紹認識Christine,Christine就請佢做教練,參加四月斯巴特障礙賽:「我訓練佢嘅時候,真係好辛苦,佢都唔放棄。其實我啲訓練真係幾難,佢都唔放棄,我覺得真係需要呢啲正能量去鼓勵吓自己。」

「我見到斯巴達比賽好有意義,因為佢有好多唔同障礙,我覺得好似一個比喻,好似人生要衝破唔同關卡,唔放棄就會成功。我真係好感恩,因為我無做過呢負重訓練,要搵一個導師去鍛鍊我嘅體能同鬥志,我覺得Vangie真係我嘅天使。」Christine說。

Christine天生就只得一隻腳,加上截肢位較高,要著住好重嘅義肢,直至二十一歲,淨係匿喺屋企。她着住義肢時,邊度都唔夠膽去,因為每次上樓梯都無嘢扶住,她好怕其他人目光。

「大學畢業之後開始用枴杖,去體驗呢個人生。其實人哋點睇唔緊要,真係無所謂,最緊要係自己點睇自己,當我接受咗自己,就好似好大嘅釋放,可以做番自己。所以我好相信人係可以好徹底嘅改變,只要肯行出第一步。」Christine說。

「佢打動到我就連得一隻腳嘅人都想參加呢個比賽,都去做運動。」鄧穎芝說。


 

 
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 96,555 views
  • 【開片後的黑幫宴】勝和雞腳黑高調擺壽酒 艾威吳國敬現身密斟(足本版) 77,328 views
  • 【壹經典●四叔感情】前妻選美出身 四叔離婚後癡戀不再婚(足本版) 49,340 views
  • 【壹經典●四叔感情】李兆基前妻消失23年後 大型法會神秘現身(足本版) 39,667 views
  • 【易服爸爸】易服男夜店扮女人 供兒子讀大學(足本版) 34,176 views
  • 【348Disco大佬病逝】父親國民黨將軍 14K猛人洪漢義癌病逝世 31,324 views