< 返回
  • 【惡人菊真人版】細佬患嚴重濕疹 甄詠珊中港兩邊走尋名醫
  •   31,491 views │ 2018年03月15日
    留言()

 

喺《果欄中的江湖大嫂》入面嘅惡人菊,聲大大勁惡死。其實佢係一個好錫仔女,為家人默默付出嘅媽咪。現實中嘅惡人菊甄詠珊,亦都為頭家仆心仆命,唔單止為老豆還咗15年債,而佢細佬亦因為有嚴重濕疹連工都返唔到, 甄詠珊為咗想醫好細佬,前前後後用左6位數字,但佢都毫無怨言。

據知佢細佬嘅濕疹更一度上埋眼,而且因為手部經常滲血,唔想影響工作表現,唯有頻頻請假,到最後更加連工都返唔到,膝頭亦都腫起一嚿,可想而之佢細佬被濕疹折磨得好辛苦。為了可以改善濕疹情況,甄詠珊同細佬不停中港兩面搵唔同醫生,由於診金唔平,細佬又冇收入,甄詠珊唔止孭起醫藥費,仲要同時供養父母,所以佢嘅生活壓力一啲都唔細。而陳明恩知道甄詠珊嘅情況之後,就介紹醫生比佢,睇過幾次之後有好轉情況。


問到甄詠珊關於細佬同醫療費嘅時候,佢就話唔係太方便接受訪問,但都有透露到細佬嘅情況,佢話︰「錢財就身外物,最緊要大家身體健康。佢依家好返好多架啦,多謝關心!」
熱門新聞
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 56,120 views
  • 【獨家直擊Soho撐枱腳】48歲唐文龍認追sexy楊柳青(足本版) 53,290 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 52,060 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 47,070 views
  • 【壹經典●搵北京代母】家傑家誠搶生男孫 第三代接班人暗戰(足本版) 32,542 views
  • 【200磅肥妹變索妹】9個月減70磅 示愛表白被拒決定「最甜美的報復」 27,996 views