港股最近受港匯轉弱、貿易戰等外圍因素影響窄幅上落，出口股受貿易戰拖累更弱勢。新鴻基金融財富管理策略師溫傑勸阻散戶別想趁低吸納博反彈，「貿易戰爭拗會幾時完你唔知，其次今年睇怕內地唔會再有四萬億救市。無理由偏要向虎山行。」

反而內需股他看好會穩定向上，「唔買出口股自然追捧內需股，無論體育用品又好，或是牛奶、啤酒，甚至小食，最近的股價都表現不錯。另一個因素係內需股毛利率上升，以啤酒舉例，開始向中高端發展，每罐利潤多咗，就算貿易戰落幕，可能少了一個催化劑，但結構上其實仍然可被看好。」

他建議散戶起碼作中線投資，「我唔傾向兩三日短炒，因為個市雖然波動，但波幅都係三萬點至三萬一，要高沽低揸其實唔易。無論邊個行業受惠又好，市場氣氛回暖而推升大市也好，都會有着數。」他最後笑說，「當然你唔好最高位買啦，當然風險較高。」

撰文：財經組
攝錄：財經組

立即按此連結Download《壹週刊》: https://goo.gl/NVySCK