< 返回
  • 【3萬北韓人包圍】40港球迷入北韓挑機 3萬人機械式打氣好得人驚
  •   10,830 views │ 2018年05月17日
    留言()

 

有無諗過現場睇波唔可以打氣?有無諗過球迷竟然唔可以帶鼓,未必可以掛banner?以上所講嘅全部都有可能發生,如果你場波係入北韓睇!

香港足球代表隊於3月27號作客北韓,進行亞洲盃第三圈外圍賽B組的最後一輪賽事。倘若勝出,便能躋身亞洲盃決賽周。香港一班港足狂熱支持者,當天便進入北韓這個神秘的國度,為的就只是現場支持港足!

當日下午,一行四十多名香港人浩浩蕩蕩來到了金日成競技場。尤記得一進入裡面,已經大大衝擊了球迷Kerry的既定印象。「我以為佢地會叫晒佢地嘅支持者著紅色衣服。但係去到發現基本上佢地都係著黑色。」Kerry丈夫David估計,這批球迷都是被安排下班或放學後到現場支持朝鮮隊的。

時常在社交平台看到北韓人總有獨特的吶喊助威方法,整齊得可怕。這天,幾乎一式一樣外表的朝鮮球迷,佔據全場99%。他們都拿起了木做的「拍拍」,一致地打氣,又時不時做出人浪。而他們打氣方式同樣叫香港球迷感到新鮮。「佢地每一個block都有一兩個人負責帶頭俾signal,聽到我地叫嘅時候就會指揮球迷大叫。」另一名球迷Jordan又形容,現場就好像「好像看阿里郎,現場再做出來咁。」,完全被他們的氣勢震攝到。

在茫茫一片黑海中,相比之下,身穿紅色波衫,客隊香港的球迷只有寥寥幾十人,完全被比下去,但香港球迷們也有對策。「我地嘗試係佢地停頓嘅一刻就立刻叫,務求在整個場裡面,到佢地停止嘅一刻,我地就可以有聲音!其實球員聽到我們大叫係好開心!所以全程我們都很努力,不斷搵機會,又要睇比賽又要睇幾時可以打氣!」

Jordan原本帶了一個鼓,但臨出發前數小時才被通知不能帶鼓進場。而撐港足團的導遊Katherine回想起與北韓交涉的過程,也確實是一波三折。「其實我哋同佢哋傾,可唔可以去睇波,支持香港隊,起初真係需要啲時間。我哋一般對睇波嘅理解就係要打氣,你坐入去就係要好興奮。但對佢哋嚟講唔係嘅!對佢哋嚟講,睇波還睇波,打氣還打氣,睇波同打氣你要分開申請!」一開始旅行團申請了睇波,但一開始就未申請打氣,所以差點就要乖乖坐在球場邊了。

從申請打氣道具、橫額、旗、鼓等等開始,到爭取打氣,掛橫額,他們一步一步向官方交涉,到最後雙方都找到一個平衡點。而北韓官方最後也讓香港球迷用北韓的打氣工具為港隊打氣。

雖然最終港隊落敗,但經過一番苦苦爭取,這班香港人為的,其實都只是給港足一份小小的支持。香港人的球隊,香港人當然要去撐!

撰文:黃心悅
攝影:林金展、王晴

立即按此連結下載《壹週刊》APP:http://bit.ly/next28app
未開撥,當然要到門外的賽程表合照。(glo travel提供)
北韓球迷穿著類似的打扮,整齊地打氣。(glo travel提供)
香港球迷最後成功爭取打氣!(glo travel提供)
熱門新聞
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 64,802 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 58,085 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 57,463 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 52,004 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 51,889 views
  • 【隱世武林高手】《天命》譚坤倫闖內地影圈 打出一片天 46,112 views