< 返回
  • 【梁詠琪師妹】被誤認「龔嘉欣」 陳雅麗抱巨B拍廣告練手瓜
  •   5,566 views │ 2018年06月13日
    留言()

 

去年由衛詩雅演繹本地品牌「Take a nap HK」親子裝後,今年由梁詠琪同門師妹陳雅麗Allie接棒擔任 Image Girl,分別與3歲大的女童和只有6個大的B女拍攝造型照, 拍攝時一人湊兩個B,十分高難度。

今年參與賀歲片《西遊記女兒國》飾演「大力妹」的Allie, 在香港曝光愈來愈多,經常香港內地兩邊工作;其實除了星皓電影同門梁詠琪外,Allie身邊的好友陳嘉寶和賴慰玲都已成人妻, Allie說不少好姊妹都四出找尋親子裝,所以今次聽到是親子裝品牌邀請拍廣告,看到款式和形象都非常優雅, 便一口答覆了,更可幫她們選購sweet親子裝。

拍攝這次廣告,最高難度是跟分別3歲大的女童和只有6個大的B女做「對手戲」,對於北京電影學院畢業的Allie都handle得到,她說︰「之前喺內地拍電視劇都試過同一個六歲嘅男仔拍戲,我發覺演戲嘅小朋友真係非常之聰明,叫佢哋喊就即刻喊,笑就即刻笑,完全係開工mode,所以同細路仔拍戲其實都幾ok。」小朋友冇問題,但拍攝當日還有另一個6個月大的巨B女,Allie就最難應付便是抱BB,「因為其實唔係好有抱BB嘅經驗,同埋原來而家啲BB都幾大隻,哈哈,都有啲重量,好彩最近都有做吓啲健身,抱完都覺得自己手瓜起𦟌!」

拍攝時亦發生小插曲,不止一位途人認錯Allie是龔嘉欣,上前打算「集郵」才發現是人有相似,她直言曾經被很多人「點錯相」,不過Allie都不介意,事後Allie還禮貌地向途人介紹一下自己,Allie說:「龔嘉欣係靚女,似佢當然開心啦。試過好多次俾人認錯,我都會同佢哋介紹番我叫陳雅麗,我覺得咁樣都係俾大家認識我嘅一個機會。」她繼續說︰「好多內地編劇同導演都唔知我係香港人,以為我係上海人,接拍《西遊記女兒國》時,我同丹姐(苑瓊丹)自我介紹,佢好奇怪問我係咪香港人?」Allie仍然在北京默默為演藝事業拼搏,今年年初因參演《女兒國》而回港宣傳,更為幾套新片casting,她坦言身為香港人,希望將來有機會參與更多港產片,讓香港觀眾認識「陳雅麗」。
手抱巨B影相,少點力都不行。
拍攝時,陳雅麗被多次錯認為是龔嘉欣。
衛詩雅是去年的image girl。
陳雅麗是梁詠琪的師妹。
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,531 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,487 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,454 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,088 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,484 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 40,358 views