< 返回
  • 【議會蛇齋餅?】帆哥慰勞下午茶 鮮奶撻難動人心
  •   4,759 views │ 2018年06月14日
    留言()

 

每當立法會議事堂要開長時間開會,唔單止議員同官員忙個不停,留守立法會大樓嘅記者們都無時可以停,佢哋既要留意議事堂內外一舉一動,又要寫稿做報道,重要性不下於官員和議員,所以每當有會議長時間進行, 部分官員和議員都會準備小食,請記者們下午茶,聊作慰勞。

就好似噚日嘅一地兩檢番議期間,運輸及房屋局局長陳帆就請一眾議員及記者行家們品嘗鮮奶蛋撻,算得上是簡簡單單嘅一餐下午茶。雖云局方上星期請食砵仔糕,被葉劉笑出手低,今個星期的鮮奶蛋撻,價錢水平其實都係差不多,繼續「精打細算」,怕且十元八塊的蛋撻到無法將人打得牙骱軟,議員與記者行家們都不會為此鬆手,讓法案輕易過關。

之不過,請客要揀甚麼食物去慰勞同事和記者,都係一個學問,揀錯隨時變笑話。話說上星期立法會開始審議一地兩檢條例草案後,法案委員會主席葉劉淑儀聯同副主席請食燒肉,社福界邵家臻就冇乜心情食之餘,仲話「我哋唔食葉太隻豬」,令好事即刻成為笑料,點解咁好笑?你懂的!

撰文:巫不言

相關連結:
【割地兩檢】玩電話上網睇片 保皇黨hea爆議會實錄
http://bit.ly/2JSE3BZ

立即按此連結下載《壹週刊》APP:
http://bit.ly/next28app
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 130,641 views
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 52,977 views
  • 【獨家直擊Soho撐枱腳】48歲唐文龍認追sexy楊柳青(足本版) 51,717 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 50,161 views
  • 【好大方●被余安安介入?】陳煒與監製男友分手 繼續孖住開公司 (足本版) 44,914 views
  • 潮人雲集「週末衣櫥」壽星仔馬天佑拉隊踩場撐Ceci 44,276 views