< 返回
  • 【破天荒兩房之歡】大劉出巡帶甘比一家睇戲 賜呂麗君仔劉子鋒同場享樂(足本版)
  •   55,160 views │ 2018年07月10日
    留言()

 

劉鑾雄(大劉)同甘比享受家庭日,除咗有甘比所生嘅劉秀樺、劉仲學之外,估唔到呂麗君嘅囝囝劉子鋒都有參與。兩房小朋友一齊現身,誇張啲講簡直係破天荒。

請參與壹週刊大獎賞活動(包括與陶傑晚宴),即按:http://bit.ly/Appinstall18

又到暑假,而且最近有被譽為最好笑嘅Marvel電影《蟻俠2:黃蜂女現身》上畫,為人父母梗係要帶埋仔女,一家大細入場笑餐飽啦,就連大劉同甘比都唔例外,連同保鏢、傭人等在內,一行十九人現身自己嘅皇室堡睇戲。
一段時間無見,甘比大女秀樺明顯大個咗好多,高過婆婆膊頭,而且面珠有肉都幾得意,不過就同細個嗰陣一樣最鍾意食,以前睇商場騷要食乳酪,而家睇《蟻俠》要食著片,散場未食晒都要自己拎住走。
至於近年比較少公開露面嘅呂麗君細仔子鋒,就被爸爸大劉拖到實,睇得出大劉好肉緊,捨不得鬆手被囝囝跑開,相信係因為子鋒主要由呂麗君照顧,大劉比較少機會見到呢粒仔,加上潮州人特別重視男丁,所以呢日先咁肉緊。
殿後嘅甘比就拖住仲學,同其他女親友一齊說說笑笑,好享受一家大細睇場戲,簡簡單單又開開心心咁過一日。
BTW,大劉出巡嘅排場幾時都係咁大陣仗,單係戴口罩、雙手鋪毛巾嘅護航保鏢、傭人都有8個,離開時又分三架車七人車一齊行駛。
熱門新聞
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 63,756 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,937 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 56,414 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 50,928 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 50,430 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 45,602 views