< 返回
  • 【世界排名32】亞錦賽男子重劍季軍 方凱申:希望參加到奧運會
  •   3,828 views │ 2018年07月11日
    留言()

 

 

以前香港泳隊有個方力申,好快轉咗行做artist!而家香港劍擊隊有個方凱申,廿六歲嘅佢係個全職運動員,有個遠大夢想,並唔係要做世界Number 1。「截至啱啱嘅亞洲錦標賽,我嘅世界排名升至三十二名,好遠大夢想係希望可以達到世界前十六,呢個都係下一步啦,再下一步真係希望可以參加到奧運會,呢個就係我最希望達成嘅目標!」

眼前高大嘅方凱申,有啲文青feel,睇唔出係玩重劍嘅高手!「玩劍擊都超過十年啦,我小四開始玩,到而家大約十三、十四年。」方凱申當初玩劍擊係玩花劍,不過學到初中時發覺再冇發展嘅空間,經老師提議下轉玩重劍,事實證明,佢中途轉劍嘅抉擇係冇錯嘅!「啱啱嘅比賽就係亞洲錦標賽,攞咗一面個人銅牌,其實評估過自己喺亞洲賽上嘅能力,覺得自己相對上比較渺茫,因為有好多好強嘅國家,有韓國、日本、中國,甚至可能有哈薩克隊,喺世界水平上都係好強嘅,自己萬料不到,仲要喺比賽走線上碰到兩個韓國選手,才能夠踏入前四,但最後都擊敗到呢兩個好強嘅對手,入到前四,所以好開心啦!」

方凱申細個好好動,除咗劍擊,仲會參加好多課外活動,譬如曲棍球、籃球、足球、口徑、花式跳繩。「劍擊真係最好玩,一來細個覺得好有型,同埋覺得鬥智鬥力嘅,唔係純鬥力量,或者純體力嘅遊戲,所以好似捉棋,贏咗人哋就會有優越感或滿足感。」好多運動員都將自己大部分青春奉獻俾運動,咁方凱申憑咩嘢去堅持?「真係好鍾意呢樣嘢,我又唔怕冇成績,我又唔期望佢會帶到乜嘢成績俾我,但我真係好鍾意呢樣嘢,純粹好鍾意,好簡單啫,真係好鍾意!」講到呢到,不如我哋睇吓方凱申玩重劍時嘅絕招啦!看招!

採訪:肥A

攝錄:黃志明

場地提供:PRIMO FENCING

請參與壹週刊大獎賞活動!有機會抽中郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!
即按:http://bit.ly/Appinstall18

每日大量精彩內容,立即按此連結下載《壹週刊》APP:http://bit.ly/next28app
熱門新聞
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 63,757 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,939 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 56,417 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 50,929 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 50,432 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 45,606 views