< 返回
  • 【為隻雞想告我】黃玉郎拒付自閉兒125蚊燒雞錢 倪詩蓓:佢話我訛騙(足本版)
  •   78,437 views │ 2018年08月10日
    留言()

 

黃玉郎連日來大數不是,倪詩蓓在長期生活壓力下,終於不能忍受要出來真情剖白。原來,本來答應負責兒子的餐飲費的黃玉郎,近日拒付125元燒雞費,更指她觸犯16A法律條例,存有欺詐成份而拒絕付款。

黃玉郎最初停付生活費,在九龍灣德福私人屋苑租了一個單位給兩母子,也請了工人和提供私家車給他們出入,生活尚算有保障,期間傳出黃玉郎再婚消息,她也向他恭賀。不過當她拒絕建議帶Royce返內地生活,沒有工作的她,多次下令搬離德福,黃玉郎更突然要求爭回兒子的監護權。經濟早已出現問題,無錢聘請律師,要出庭自辯令詩蓓健康再度變差。

「搬離德福時,佢就短訊我,話如果我要做監護人照顧,佢就唔參與所有嘢。」倪詩蓓說。於是學校指接到黃玉郎通知,停止供應Royce每個星期在學校的麵包和牛奶。

事後黃玉郎向她這樣解釋:「佢話唔需要飲牛奶,飲果汁得。佢又話個仔敏感,我湊咗佢十幾年,你點樣覺得佢敏感呢?我要佢攞診所證明或者係證據。」

最近,倪詩蓓接到指控,她向對方取回兒子的燒雞餐費,竟然被指訛騙,令照顧兒子十多年,弄致五勞七傷的身體,血壓又再標升至190多毫米。

「個仔好鍾意食雞,我住喺呢度,喺餐廳訂咗隻雞125蚊,因為驚第二日賣晒,佢哋做得好少數量。我同廚師講,因為大家都熟,知道佢有特殊問題,佢哋就應承,而家落單俾錢,星期五就俾隻雞我。我收到呢個短訊,cap咗呢張125蚊食雞嘅單,旁邊寫咗一堆字,佢話我訛騙。」倪詩蓓指過去大半年的飲食車費單據共有幾萬元,直至母親節當日才收到192元。

「我好難話湊住佢坐的士,好似以前佢有提供司機,就算司機無時間,佢都會另外喺uber book架車。如果你搵個唔熟悉載呢啲特殊人士,可能揸揸吓車,佢會打人地個頭。我試send過呢啲單,講緊係年幾前,有時佢會覆呢間唔係正式公司,所以呢啲單無效。」她說。

自從黃玉郎停租德福單位,Royce週五放假會返倪詩蓓屋企,為減輕負擔兼希望盡量有舒適環境給兒子,她跟女朋友合份租住無需繳付按金上期服務式住宅,不過因為Royce身體進入青春期,曾經在家大發脾氣,嚇得女朋友匿在椅底,最後要求搬走,她唯有獨自負責租金。

倪詩蓓面對官司又要搵生活費,加上未得她同意,停供她和兒子的保險,她一直要負擔醫療費。現在雖然有朋友幫助,但只能解燃眉之急。

「根本啲錢錢就唔夠使,因為返嚟香港之後已經停咗俾錢,好多錢都要貼出嚟,我自己無咗新加坡嗰份糧,跟住出院嗰排又要使好多錢,我根本都夠錢,而家夾硬頂住先,只係問人借。我喺香港冇乜朋友,有啲朋友有幫忙,信用卡透支,差唔多七、八張。我而家返到嚟都好努力,啲朋友都俾機會我,返出嚟唱歌,一啲簡單工作,因為我唔可以去得太遠,因為個仔每禮拜都返嚟,同埋我都去學校睇吓佢。」她說。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,407 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,333 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,378 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,021 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,422 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 39,786 views