< 返回
  • 【婆媳關係保持清淡】BB來了觸痛回憶 盧宛茵提家事即爆喊(足本版)
  •   108,468 views │ 2018年08月11日
    留言()

 

盧宛茵憑《BB來了》裡面嘅野蠻奶奶,令網民like爆,仲推舉佢為今年大熱女配。她雖有一個招牌笑聲,但一講到家事,盧宛茵就感觸,即場爆喊。好似當日佢拍《BB來了》呢一幕,佢話中曬自己嘅心聲,戲假淚真。

點擊圖片

BB來了觸痛回憶 盧宛茵提家事即爆喊



她跟帶著兒子,即盧宛茵孫仔來探班的次子阿匡說:「唔知你有冇睇,好似嗰一場講我睇住啲仔小時候片段喊嗰場,真係講起我都想喊。

真係好有共鳴,所以呢套劇成功在又有悲情一面,又有攪笑一面,

我真係覺得呢套劇寫得好好,同埋我好眼淺,少少嘢就咁。」

觸景傷情的,還有是她婚姻破裂,變單親家庭的背景。她說:「有時諗番起離婚,不過而家個個都自立,佢哋有自己嘅家庭,有佢哋嘅事業,我就好開心。」

73年,她在當紅時下嫁新聞主播何鉅華,之後退出娛圈,專心相夫教子,育有兩子一女的她,最後婚姻只維持十多年便離婚。

「係呀,嗰時其實我係最當紅嘅時候,喺《朱門怨》一炮而紅之後,七幾年時好紅,但就已經結婚,嗰時都有人話你咁就嫁咗人,通常一般都唔會,因為你當紅當紮嘅時候,突然走去結婚,跟住就退出,完全退出無做,我都有好多年無做,因為嗰時生兒育女,照顧小朋友,後來我諗都有十年八年,到啲仔女比較大,咁啱搵番我同大碧姐拍嗰套《季節》,就返出嚟拍《季節》,一直就做到而家。

我又無後悔,我覺得有得必有失,而家連孫仔都有,我好開心,覺得始終都係兒孫滿堂好啲,唔係孤令令一個人。」

婆媳關係,她說要保持清淡,才以策安全。

我好開放,新抱有時都會送啲手袋俾我,唔會話有咩階級、裝起個款咁樣,我好隨和。有句說話「相見好,同住難」,你日日見日日接觸,一定會有磨擦,所以最好耐唔耐見吓,關係淡啲咁就無嘢,最好唔好一齊住,唔想咁多磨擦。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結:http://bit.ly/next  28app 
熱門新聞
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 102,754 views
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 79,075 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 67,979 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 66,741 views
  • 【赤裸的女人】34歲天體港女:著衫好束縛唔舒服(足本版) 55,534 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 53,396 views