< 返回
  • 【信不信由你】記者實測動物傳心術 結果竟然係咁
  •   0 views │ 2017年03月19日
    留言()

 

動物傳心師是否真的可以跟動物溝通?為一試虛實,記者即場拿出一張朋友家貓的照片,叫傳心師Yuki與牠連結。Yuki先強調,讀心要在安靜和輕鬆的環境下進行,由於訪問現場有點嘈雜,她當下只能進行簡短的連結,不會太深入。

說罷,Yuki探問了貓貓的名字,就開始進行動物傳心。只見她盯著照片約一分鐘,就緩緩道:「屋企係咪仲有隻貓?佢生活都得開心嘅,但佢仲好細個仲會有啲野性,好貪玩,喺屋企有啲悶 兩隻貓喺屋企唔係好熟,佢想同主人玩多啲。有陣時可能鍾意跳黎跳去,腳有少少痛,但係應該好快無事。我感覺到佢有唔舒服,但係冇好大嘅痛楚。」

究竟測試結果是否準確?當然要與貓貓的主人核實一下。主人就有以下回應:「都貪玩嘅,已經成日同佢玩架啦,唔知佢會唔會覺得唔夠。佢生活都開心嘅,本身喺繁殖場救佢出嚟,都有啲先天嘅病,啲手腳出現咗問題,都好悉心照顧佢,我諗佢喺我哋屋企都生活得開心掛。佢哋兩個又真係唔算好似人哋啲貓咁樣,唔會攬住一齊瞓,會獨來獨往。你話準唔准呢 可能佢個樣都比較精靈,一睇就知道佢個樣(貪玩)。」

幾日後,記者再whatsapp另一位朋友所養的狗狗照片給Yuki。這次Yuki說是在家中,比較寧靜的環境,所以可以進行深入的連結。朋友狗狗的名字叫一仔。Yuki說︰「有啲古怪牌氣,鍾意獨來獨往。有啲火,但年紀大咗,依家無乜。佢四隻腳關節都酸痛,好易攰、無乜力咁 佢同主人講想食雞。」

Yuki更指,與一仔溝通時,一仔表達了很喜歡媽媽,但又覺得她不夠強,想保護她多一點,更向Yuki 傳出影像,顯示媽媽是一個短頭髮戴眼鏡的女人。
記者肯定Yuki從未見過一仔主人,而一仔主人又確實是束短髮和戴眼鏡。「我剛剛先俾雞佢食喎。」一仔主人回覆。

但Yuki隨即說︰「佢係想食真嘅雞柳,唔係假嘅雞零食。」一仔主人補充說,剛才的確是給雞零食予一仔,而非雞柳。

之後,記者再Whatsapp另一張狗相片給Yuki,但Yuki看吧,便隨即說︰「真的是這隻狗狗經常發惡?但我感應不到她有生命啊。」其實,該照片上的狗狗,在去年九月已經去了彩虹橋。

測試結束。Yuki的確能準確地講出部份動物的情況,但為何看著相片便可以作出遠距離溝通,記者不能解釋,至今仍是半信半疑。Yuki則再三強調,動物傳心是建基於能量學說,不是通靈,當中也不涉及任何占卜或預知未來的成分:「無論係人又好動物又好,佢哋都會有一個能量場,只不過人嘅能量場比較強,而動物就比較細小,所以未必會感覺得到。只要將自己能量場個頻道調至接近動物的頻道,就可以易啲同動物連結得到。」簡單而言,動物傳心術是人類以傳心術和動物作出雙向溝通。

記者︰張馨文
攝影:石鎬嗚

相關新聞︰
【壹仔話當年】動物傳心術點練成?《壹》仔放蛇直擊!
http://bit.ly/2ulgYRg
熱門新聞
  • 【小粉紅懺悔錄】黎明:洗腦教育令你內置思想警察(全文) 120,085 views
  • 【醫生與您】抗血小板藥與抗凝血藥的迷思! 53,356 views
  • 喪夫後深居簡出 吳婉芳唔慣大街人來人往跑住走 52,401 views
  • 【差點被遺忘】51歲呂頌賢佬味濃現身香港 扮令孤沖紅到依家 48,610 views
  • 【出賣前度群組】離譜!賤男開谷玩出賣 女文員憂被上載艷照 47,643 views
  • 【繞場壹週4.1 暗鬥浮面】 坐位有階級之分 楊思琦批踭唔係鍾沛枝Best Friend 42,946 views