< 返回
  • 【5.16結業】業主狂加租到拒租 36年長康老酒家盼保留鎮店大龍鳳
  •   29,435 views │ 2017年05月16日
    留言()

 

相關連結:
【5.16結業】長康酒樓告別宴筵開46席 街坊不捨:唔飲茶會頭痛
https://goo.gl/PO8DgQ
_______________________
《壹週刊》周二頭條 :
【至醒投資●自製年金】靠政府唔現實 自己買越秀夾匯控回報1成2
https://goo.gl/txJ4Td

《壹週刊》周二娛頭 :
【拍三級片賣股】《不懂撒嬌》林偉與李嘉欣係同學 孖葉蘊儀拍經典廣告
https://goo.gl/XfgPZq

領展去年底標售五個項目,其中一個被變賣的屋邨商場及街市為青衣長康邨,作價高達11.5億元。屹立長康邨36年、第一間進駐的食肆長康酒樓,不獲新業主續租,將於本月16日正式「熄燈」,本港尚存的舊式街坊酒樓已所餘無幾。

昔日,每個屋邨總有一間平民酒樓,給街坊「飲啖茶、食個包」,在青衣半山的長康邨都不例外。踏入酒樓大門口,門面沒有金碧輝煌的招牌,甚至銅製招牌中,有些筆劃或字粒早已消失得無影無蹤。樓下是外賣燒味部、賣飯盒的車仔檔口,由長樓梯貫穿一樓大堂,扶手是舊式通花款設計;牆上分別掛上八仙過海圖及大觀園,老闆之一的歐建生依依不捨表示:「八仙酒樓都有啦,都係當時好興嘅。」

長康酒樓在青衣紮根三十多年,一班老闆見證過不少大小事,印象最深刻是開張首天,「第一日開張就是八號風球,街坊又返唔到工困住喺邨,又無食物,當日非常旺場。」當年的長康邨為新入伙,未有食店或街市,酒樓是第一間進駐的食肆,他們原本想在開業前先拜神,怎料撞正打風,早上五時許已有食客等飲早茶,「到(早上)六時已經全場坐滿,樓下外賣全日做唔停,賣到唔夠賣。人潮都未停過,做咗差唔多19小時。」郭錦彬老闆又指,當時青衣只得南橋,交通不方便,「葵涌道一大塞車,全條橋就會塞車。好多居民要行返來,我哋嘅同事放工就行番出去。」

長康酒樓早年是區內數一數二的酒樓,甚有派頭。紅色大禮堂兩邊,分別掛上一對大龍鳳,是鎮店之寶。郭老闆指當年由師傅精製,全港少有,「那時是木工師傅,一刀一工整,由上底色,貼金箔,好有靈氣,我都好唔捨得對龍鳳。」他又指新派的酒樓用不著龍鳳,「如果有人鍾意,我平少少賣,唔好掉了它就得喇。」雖然裝潢仍然古舊,不過每年他們都會花錢翻新,保持乾淨整齊。

「我們的理念都是屋邨做得好,同街坊合得來,唔好話服務街坊咁高尚,起碼有少少生意做。」當年看準青衣為新發展社區,郭老闆認為開酒樓會有不錯的發展,「當時一講到飲飲食食,都是去酒樓。」酒樓於假日長期爆滿,他們稱之為「五輪真功」,但並非日本藝人五輪真弓,「真係慘了,即係做足五轉真功夫,早茶、午茶、下午茶、晚市、宵夜都有埋。」不過飲食文化轉變,現在的酒樓已不如當年般旺場。

新業主上場後,從未與長康酒樓商討就選擇收舖,老闆指,「第一感覺好大打擊,點解唔同我們傾,要求和我們傾吓租金或新條件。一出信就收番,覺得感情上好似唔知點,好似冇咗啲野。」36年來,長康酒樓從未易手,「做一檔生意,不是蝕大本,無得做,你都不會不做,好多時間都係同街坊一同走過和成長。(結業)當然係好唔捨得,但都係無可奈何,人哋唔俾你都冇辦法。」

撰文:黎雅婷

攝影:葉漢華
熱門新聞
  • 【新手必學】素人變女神眼妝教學 86,789 views
  • 【一程壹會.女神背後(一)】紅的司機爆軼事 短裙女上車秒速黑面 數臭姊妹(白告) 47,517 views
  • 【一程壹會.女神背後(二)】突傳屎味急搵公廁 試過喺公路停車 43,201 views
  • 【隔代遺傳】「小糯米」唔似楊冪劉愷威 Isabella 孖仔同李嘉誠餅印 42,067 views
  • 【世紀合照】成龍袁詠儀冰釋前嫌 曾志偉做和事佬 42,035 views
  • 【條裙短到咁摟乜呀?】阿Gem牛一戰鬥格 男友買Cheap酒上家過夜 42,005 views