< 返回
  • 【5.16結業】長康酒樓告別宴筵開46席 街坊不捨:唔飲茶會頭痛
  •   15,358 views │ 2017年05月16日
    留言()

 

相關連結:
【5.16結業】業主狂加租到拒租 36年長康老酒家盼保留鎮店大龍鳳
https://goo.gl/wugG6o
_______________________
《壹週刊》周二頭條 :
【至醒投資●自製年金】靠政府唔現實 自己買越秀夾匯控回報1成2
https://goo.gl/txJ4Td

《壹週刊》周二娛頭 :
【拍三級片賣股】《不懂撒嬌》林偉與李嘉欣係同學 孖葉蘊儀拍經典廣告
https://goo.gl/XfgPZq

屹立青衣長康邨36年的長康酒樓,因不獲新業主續租,將在本月16日正式結業。不少街坊均是酒樓常客,每日都到酒樓飲早茶,對此亦表示不捨;本月9日晚上,酒樓搞了送別晚宴,筵開46席,與街坊作最後話別。

「佢光顧你唔係一次半次,又不是十次八次,而是幾十年。」郭錦彬老闆都對長康酒樓充滿感情,由當年三十出頭,一做做了三十多年,對員工以至街坊都有份感情,「我們的理念,唔係以人為本咁高尚,但是我們比較寬容,人情味比較重。」他又指與街坊亦如朋友一樣,「同出面你幫襯我、我招待你,好唔同。好多街坊都鍾意呢度,有時行完街都要返來食飯,話返到來先似食飯」。酒樓以街坊生意為主,價錢大眾化,食物種類亦大路,貨真價實,老闆表示,「我哋嘅收費唔係高,依家都係5蚊一位茶錢,今時今日都叫收得低;小菜都是40-50元多,好大眾化。」

沒有美輪美奐的裝潢,不過吸引到一班街坊每日都來支持。在青衣長大的林姑娘,為長康邨首批入伙的居民,「我們每個月開會都會喺度食飯,人又熟,經理又熟,好似自己人咁。」退休後,林姑娘每日都會到酒樓飲早茶,她指伙記和街坊已打成一片,招呼又好。談到酒樓結業,就如失去聚腳點,「茶就(間間)差不多,但是人就有感覺,會不捨得。新老細新作風,點講都是不捨得」。

習慣在廂房邊飲早茶的關太就指,連擺酒都在長康酒樓,「風雨不改。現在大家都會問『點呀,你之後去邊飲茶?』個個好似無晒依歸咁。」她又指廂房內的茶客都是見慣見熟,有自己固定位置,「你坐的位置不同都唔習慣。如果人滿了,你叫我坐隔離,係有得你坐,但是會唔舒服,要坐番自己位。」

關太又指自己有「早茶癮」,「好似飲咖啡咁,你唔飲會叫頭痛。我們都會的,有日無飲茶去了做身體檢查,個頭唔知點解會痛。原來要飲茶,這些都會中毒、上癮。」關太有兒有孫,已經長大,每日準備好餸菜,就會來酒樓打牌,「以前打到夜,由下午兩點開,打到(凌晨)兩點先走。這裡的人,一係鍾意打麻雀,一係跳舞。」為幫補酒樓生意,他們下午會在廂房開雀局,160元任打半日。

屋邨酒樓負責搞不少團體晚宴,不時有歌星駐場,唱舊歌玩跳舞。在本月9日晚上,長康酒樓亦搞了場「最後派對」。筵開46席,全由街坊包場,他們不停在舞池跳舞,與伙記合照,場面感動。酒樓將於本月16日中午正式結業。

撰文:黎雅婷

攝影:葉漢華
熱門新聞
  • 【獨家】攬松岡Mandy嗌分手 洗米華紋愛的宣言箍煲 85,441 views
  • 【獨家】勁閃 ! 洗米華肉緊啜Mandy 恩愛出席婚禮 65,891 views
  • 【結過兩次婚】67歲黃玉郎向30歲索女友求婚成功 57,305 views
  • 【前妻涉藏毒被捕】小三巨胸翠如坐正 過氣拳王杜恒霖笑住答:算啦,佢已經好慘! 56,648 views
  • 【獨家●同居斷正又話冇聯絡】前拳王杜恒霖同巨胸翠如屋企嘈交報警 47,480 views
  • 【大得咁快?】Mandy三星期前仍未見肚 今日傳懷華種6個月 42,759 views