< 返回
  • 【飲食男女】80後打工男
    棄五萬月薪去賣湯: 最緊要肯嘗試
  •   7,235 views │ 2017年09月03日
    留言()

 

 

湯,在飲食舞台上一直是「大茄」,或頭盤或伴飯,可有可無;打工仔同樣是公司裏一口小小螺絲釘,呼之則來揮之則去。

兩個男生大膽用湯做主角,麵包、沙律、飯拱照它出場,乘着健康輕食潮,湯躍龍門,成為白領新寵。

人如湯。打工男來一個權力轉身,捨銀行走入熱廚房,賣湯做老闆,好歹也要做一回主角。

「喺銀行我做貸款部,啲客頭暈身㷫要照顧,數字上落係個客;而家做靚條數會係自己嘅。」33歲的陳錦熹(William)先後做過核數和銀行,現為自家餐廳洗洗抹抹,汗流浹背送外賣,一百幾十地「收銀」更開心。

四月,他和同事袁景軒(Kenneth)一齊辭職;六月在上環蘇杭街開西湯店,由打工仔晉身老闆。

「舊公司就在附近,我成日食呢條街,當中有中湯店,但無西湯為主嘅餐廳。我諗起加拿大讀書時,一個湯加個包當一餐。」這是他去年的發現。

6歲移民多倫多的Kenneth有着相同的體會:加拿大冬天很冷,濃湯送包,「好暖胃好飽肚。」

兩人讀經濟、金融出身,又曾同在銀行打工,精打細算是本色。開店前就先做了一年調查:在哪區開店、價錢定位,研究何時請人,怎樣做推廣 William去日韓英法等地旅行,必定留意人家喝的湯、用的料;加上豐富的網絡食譜,他們和湯店另一股東每逢周末日就舉行試湯大會,三男煮六七款湯比拼一番,試到一致讚好的,便進一步仔細調味;開店前,已準備30款湯食譜。像北美歐洲傳統的comfort food雞肉螺絲粉湯;在這雞湯加上辣椒粉、茴香、芫荽籽等香料,變身惹味醒胃的墨西哥雞湯;羅宋湯是烏克蘭版本:除了番茄洋葱,還加入紅菜頭。

Kenneth在加拿大成長,爸爸和親戚都做過飲食,「我知做飲食好辛苦,全年無休,連私人時間都無。所以,畢業後只想搵份高薪工作做落去。」但來到30歲,他心態變了,「我覺得創業講時機,當時機過咗,就好難返轉頭,過咗就過咗。」

創業難得有好點子好拍檔,自身還需要勇氣,「走出comfort zone,放棄穩定嘅收入、定時嘅消費,好似去旅行,以前老闆批假,就可以起行;而家唔知道。」

不過,湯店規劃一年,開業月餘,他已明白老闆們的想法,以前打工心態:「我係咁嘅喇,做好自己就算。」現在換了位置,知道問題所在甚至解決方法,「計落條數,我都係賺嘅!」

三個拍檔每人湊合60萬元開店,William和Kenneth更辭職全身投入。

William說:「啲老闆都話,『乜咁蠢呀!』現在無得返轉頭喇!」辭職前,他月入超過5萬。但對湯店,他信心滿滿:雖然整整一個月下雨影響人流,但開張第五個星期,午飯時段已可「翻檯」多做一轉,至少一半是回頭客。

他一直想創業,「以前打工,受人哋氣,到現在自己做老闆,自己話事,先發現個個客都係你老闆,哈哈哈 」他說創業最主要都是滿足感,「這間鋪由零變有,由爛地一樣變成今日嘅裝修。」他環顧店內簡約舒服的環境。

日本Soup Stock Tokyo、新加坡The Soup Spoon成功的連鎖湯店是他的強心針,讓他看得更遠:現在他和Kenneth除了入貨、結數,還兼做水吧、樓面,終極目標是全部位置請人,二人退居幕後做規劃,將西湯這「大綠葉」變成森林。

 

Souprb

地址:上環蘇杭街100號地下

電話:2861 2328

食店資料:https://goo.gl/y1En7B

 

你都去過呢間食店?即上https://goo.gl/y1En7B 留低你嘅食評!

 

飲食男女App大革新!即時掌握最快最新飲食熱話,立即下載《飲食男女》!

iOS App 下載:http://goo.gl/jYHhdH

Android App 下載:http://goo.gl/m8yPuf

 

網站:http://etw.hk

Facebook: http://www.facebook.com/eatandtravel

Instagram: http://goo.gl/09g8mU
熱門新聞
  • 【死囚自白】十八歲殺人 釋囚更生想做牧師 246,243 views
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 210,840 views
  • 【死囚自白】女友苦等八年無果被迫分手 黑幫殺人犯:好戇居! 100,361 views
  • 【醫生與您】心房顫動與中風 98,747 views
  • 【小粉紅懺悔錄】黎明:洗腦教育令你內置思想警察(全文) 89,115 views
  • 【事業不順自困谷底】患抑鬱症絕望到想解脫 劉玉翠:我孤單自卑嫉妒憤怒 50,465 views