< 返回
  • 炒又炒唔起 自用又太貴 Apple iPhone X
  •   7,570 views │ 2017年11月15日
    留言()

 

令不少「果農」大跌眼鏡的蘋果iPhone X,一開售已經燶味十足,搞到不少炒家叫苦連天,加上蘋果一早閂定後門,早兩個月前,已經列出不準退機條款,散戶就更加進退兩難,而且iPhone X多個設計都一改傳統,例如全屏幕加Face ID,都要重新適應,就算想升級自用,始終機價太離地,認真要計過度過。

 

創辦人都唱淡

被不少外國傳媒唱淡的iPhone X,收機價一沉不起,難怪就連過去「逢機必有,逢有必早」的蘋果創辦人之一Steve Wozniak,都直言唔睇好iPhone X,甚至打破過往慣例,未有新機上市第一日就買機自用,原因是擔心Face ID技術未夠成熟。雖然實際試用後,Face ID成功「認面」指數頗高,但下載app時,要先按兩次開關掣,才能靠Face ID進行認證,用落仲煩過Touch ID。

 

又有殘影又細咗

而iPhone X開賣未夠一星期,就更加爆出屏幕醜聞,被發現屏幕於長時間顯示同一畫面後,會出現「影像烙印」及「影像殘留」情況,就連官方現時亦未有解決辦法,仲話「色彩和色相有些微偏移。這是 OLED 的一項特徵,屬於正常現象」,甚至叫用家更新iOS、使用自動調整亮度及不使用時關閉屏幕,完全治標不治本,睇怕廠方短時間都無辦法根治問題。

而且,iPhone X的OLED屏幕,偏色情況相當明顯,整個屏幕偏向青色,加上「天生缺憾」,屏幕上方的黑位,更令觀感大受影響,尤其瀏覽網頁時,屏幕好似「俾人咬咗啖」。雖然廠方聲稱iPhone X屏幕尺寸為5.8吋,理應比iPhone 7 Plus,甚至iPhone 8 Plus的5.5吋大,但實際用落又另一回事,因屏幕尺寸以對角線計算,所以全屏的iPhone X只是數字上取勝,兼且不少app都未支援全屏顯示,其「實用面積」大概只有5吋,以為換大芒?其實仲細咗。

 

飛走home掣變麻煩

設計與別不同的iPhone X,由於沒有home掣,操作亦都要重新適應,首先要返回主畫面,需由屏幕底部向上掃,大拇指的移動幅度,比按一下home掣大得多,除非想大拇指關節更靈活,否則開返個Assistive Touch比較穩陣。由於「向上撥」已被用作退出app之用,所以控制中心亦要讓路,只能從屏幕右上角拉下,而從左上角拉下則是通知列,麻煩程度大增。
要下載app,首先按兩下開關掣,先開到個Face ID,仲麻煩過用Touch ID。
要下載app,首先按兩下開關掣,先開到個Face ID,仲麻煩過用Touch ID。
機側銀色邊相當老土,好似返到iPhone 3年代,兼且鏡頭非常突兀,完全設計大倒退。
不少app都未支援iPhone X的全屏幕,上下都有條大黑邊,實用面積其實只有約5吋,仲細過8 Plus。
採用OLED屏幕,偏色情況相當明顯,拍埋部舊機睇,白色竟然變青色。
天生「崩」了一忽的iPhone X,睇網頁時依然健在,非常礙眼。
iPhone X講到明支援無線充電,而且售價又貴一大截,但隨機竟然連無線充電座都欠奉。
要開啟通知列,要由左上角拉下,控制中心則要由右上角拉下,操作方便度完全大倒退。
熱門新聞
  • 【新抱紛紛反奶奶】晾條底褲奶奶都好多不滿 新抱阿Ann:忍唔到要爆啦(足本版) 80,940 views
  • 【港女最驚係呢種】男人話請去旅行 港女唔肯驚人呃蝦條(足本版) 59,153 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 56,234 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 39,787 views
  • 【陶傑點醒港女】想嫁有錢有樓靚仔 港女比白雪公主更虛幻(足本版) 37,912 views
  • 【陶傑點醒港女】住公屋港仔揀唔揀得過? 陶傑:要有呢幾樣配套......(足本版) 37,355 views