< 返回
  • 【領展無情】老錶行慘被趕絕 愛國老闆後悔票投民建聯
  •   0 views │ 2017年01月09日
    留言()

 

屹立柴灣40年的老店「連記錶行」,老闆連援國今年70歲,將畢生心血投放在錶行,小店養活他一家六口,但最終領展一句「唔續租」,就要搬走。他大數領展賤招,回想當日誰是撐領展上市的罪魁禍首,多年來票投民建聯的連援國,終於後悔說:「以後一票不投民建聯!」

「都係以前好,房署處處為小商戶着想,冇生意會幫手諗辦法,商場裝修會免租。九七前,環翠這邊商場落成,又俾我揀對天橋嘅靚鋪,邊似得領展咁理得你死。」

「生意好過十萬,交完租仲要抽一成佣。交盤數俾佢又唔信你,要搵人核數。核盤數要自己俾錢,一個月搵得幾多吖。一句翻新商場,叫我哋半年後好搬。傾都唔傾,話佢哋係上市公司為股東着想,咁邊個為我着想?」

「我都唔明,點解會有人支持領展上市。一二年,我同鍾樹根開過記招,反對領匯加租抽佣。係呀,我投民建聯。身為中國人,當然唔想班友仔搞搞震。喺香港地搵食,梗係唔想人搞亂呢度。有人話我:『傻佬,你仲支持民建聯。民建聯最支持領展上市。』

「唉,佢哋唔知領展咁苛刻,民建聯班友純粹無腦。而家殺到埋身,先知佢哋對自己都無好處,以後一票不投民建聯。」

撰文:黎雅婷

攝錄:胡智堅
熱門新聞
  • 【鮮肉放題】《愛回家》吳偉豪 爆肌激戰出水芙蓉楊秀惠 69,489 views
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 59,545 views
  • 【坎坷身世大起底】苟姑娘嫁二奶仔 36,848 views
  • 【毒海蕭正楠】大麻可卡因溝冰毒 元朗隱世村與世隔絕戒毒 36,817 views
  • 【壹經典●富豪元配宿命】一夜夫妻百夜恩 李兆基前妻潛心信佛 34,595 views
  • 【紅顏元配宮心計】超級富豪各擁紅顏 元配為身份死忍到尾(名單逐個數) 34,066 views