< 返回
  • 【《真情》演員去晒邊?】黃智賢終成大台小生 彭子晴keep得好賣保險
  •   51,129 views │ 2017年03月21日
    留言()

 

85歲嘅容姨(譚倩紅)無再拍劇,反而為啲慈善敬老活動唱粵曲籌款,咁以前同佢合作咗千幾集《真情》嘅演員,又去晒邊?做緊咩呢?舊時《真情》嘅演員,有啲仲會幫大台拍吓劇,有啲已經離開咗呢個圈。

容姨個仔阿海(黃智賢),大家實知啦,早排《親親我好媽》咁受歡迎,加上佢幫大台拍落嘅劇仲有幾部未上,實認得佢。而當年喺《真情》入面爭阿海嘅兩位靚女──雙雙(羅霖)同彩瑤(張慧儀),而家都變晒美魔女,而家仲一齊拍緊《深宮計》添。

喺大台老是常出現嘅,仲有容姨嘅事頭叉燒炳,即係劉丹。佢繼續喺TVB拍處境劇,晚飯時間打開電視就會見到佢架喇;叉燒炳老婆善姨(李司棋),近年喺大台嘅代表作就係《溏心風暴》系列,而家亦為《溏心風暴3》開緊工。

善姨細妹好姨(薛家燕)唔使講啦,逢禮拜日晚都見到佢孖住黎小田做主持,但佢個仔立生(盧慶輝)呢,由《真情》入面嘅高大靚仔醫生,變成一個禿禿地嘅土豪味中佬,喺內地娶咗個有米富婆,經營房地產生意,不過上年佢都有返大台幫手客串《賭城群英會》。

老公現老態,但老婆阿靜(彭子晴)依然keep得好好,已經43歲嘅佢,無論樣定身材同當年差無幾,著住熱褲仲成個芳華正茂嘅少女咁,聽聞佢轉咗行做保險。

仲有 真係想講都講唔晒!
熱門新聞
  • 「保齡神童」胡兆康 鼓勵乳癌患者 及早對付癌魔 103,822 views
  • 【狂數個女藏鎮靜劑】責卓林行為奇怪 吳綺莉認口角:一隻酒杯敲唔響 47,700 views
  • 【撥開生母苛索陰霾】七億身家曹央雲 大女搞貼地京都遊散心 43,088 views
  • 【51歲風采依然】索祖母高麗虹陪洪金寶湊孫 洪大仁施冧功氹爺爺 33,756 views
  • 【兵全部都係兵】盡顯娘娘功架 陳瀅撚狗獲兩兵護駕 29,801 views
  • 【𡃁妹直播賺錢】網上真人騷賣廣告 月賺數萬 25,508 views