< 返回
  • 【食魚蛋粉扯晒火】卓韻芝po相公審 德昌老闆︰我唔怕,未見過咁蠻橫
  •   63,012 views │ 2017年08月13日
    留言()

 

卓韻芝一向出名敢做敢言,依日佢做孝順女帶婆婆到天后的德昌魚蛋粉鋪食嘢,婆婆叫咗碗魚蛋粉,卓韻芝就指阿婆發現碗粉嘅湯底有怪味要求店員換另一碗但反被店員鬧番轉頭。原本唔想生事嘅婆婆打算照食,但阿芝堅持要店員換另一碗,之後男店員換另一碗但仍然堅稱他們的湯一向都是同一個味。

阿芝又謂要求男店員試下兩碗湯嘅味,點知男店員竟然唔肯試仲不斷鬧佢玩嘢,仲因為咁嚇親婆婆,激到卓韻芝都忍唔住拍下男店員張相放上網希望大家評下理。更表示自己並唔係想退錢,只係想換過碗粉,自己亦無講粗口同激動,但遭到無理對待的卓韻芝深感不憤於是拍下男店員張相放上網俾網友公審。

網友都反應兩極,有人表示支持卓韻芝,指男店員無禮,又影響到婆婆,亦有當時在場的網友留言目擊到事件發生,並指卓韻芝當時態度都有問題又話佢作為公眾人物唔應該影人相放上網有啲缺德。

壹仔就事件向德昌魚蛋粉了解過事件,原來被卓韻芝影相放上網嘅員工正是店主蔡先生,佢澄清自己並無鬧卓韻芝亦知道佢係明星,卓韻芝亦間中來幫襯。


【魚蛋粉係咩味】卓韻芝指湯有怪味 德昌員工︰佢話碗湯冇咸冇味
http://bit.ly/2w0tKW9


蔡生︰「我都覺得算啦! 香港生活壓力大。佢見阿婆食完話啲湯有唔同,佢話︰『你睇下啲湯,好似唔同以前。』我心諗由開店到依家,都是個煲湯都冇人投訴,我覺得好奇怪。我試了冇乜唔同(試了阿婆個碗?) 不是,阿婆食過點會,但係由早到晚都係個煲湯,我話同一碗湯嚟嘅,我未見過客咁狼戾,我話換俾比你都係一樣個啲粉同個啲湯,怕不合佢口味,我話穩陣啲不如換過第二樣食物,點知佢發難堅持要番碗魚蛋粉。」之後蔡生話為免再同阿芝爭拗,於是找來其他同事,並換了另一碗魚蛋粉,最後佢都係食晒。

蔡生話如果碗湯同魚蛋粉有問題,換番同一樣,都一樣是會有問題,所以才建議換另一款食物。對於阿芝拍下的照片擺上網,佢話︰「我唔怕,都做了十幾年,咩客都見過,但都好少遇咁狼戾。」蔡生指自己都想大事化小,小事化無,蔡生話︰「佢走的時候,我仲同佢講︰『大家放鬆啲』香港人真的太大壓力,我都沒有同她計較。」老闆又指阿芝最後都有埋單,沒有再發難。

卓韻芝相關:
向消防員致敬唔虛偽? 卓韻芝:句句真就不能化粧
http://bit.ly/2uCPVgA

DJ不再爆紅 卓韻芝:難有一把聲風靡全港
http://bit.ly/2uSaxAS

廣播道Fans殺人事件 卓韻芝講鬼故
http://bit.ly/2vzeSe0

走過死蔭幽谷 卓韻芝:惶惑都一定會過去
http://bit.ly/2fDnso7

卓韻芝殺母? fb撰文透露自殺原因
http://bit.ly/2w2Odsh
IG 全文
網友評論
熱門新聞
  • 【14個月大Kelly似媽咪】鍾嘉欣同老公十指緊扣返加國 84,738 views
  • 【醫生與您】逆轉針劑 56,324 views
  • 【開心速遞隻鬼冇咗】不甘俾大台玩 顧紀筠兒子冇癮解約 54,590 views
  • 一絲不掛出書爆大鑊 袁嘉敏堅係唔撈娛圈做OL? 52,307 views
  • 重提李思捷委屈爆喊 春卷:捧到佢上天,最後忘記咗你 50,621 views
  • 【3日2夜】羅敏莊帶團泰國睇樓 捧60萬豪裝物業 42,109 views