< 返回
  • 33度晒住Busking勁有感覺 吳浩康盼今年開騷
  •   3,138 views │ 2017年08月13日
    留言()

 

提到吳浩康,要聽他唱歌就要定時上他fb直播他自彈自唱,今日Deep幫大台拍攝音樂節目並去到屯門黃金海岸玩Busking,兼同陽光玩遊戲。

大熱天時三十幾度,阿Deep穿著恤衫喺露天廣上場曝曬住咁唱,一路唱一路流汗一路用紙巾抹汗。雖然好熱,但Deep話好enjoy,兼且今次是舊地重遊︰「我好記得,我第一次做戶外活動唱《先入為主》就喺呢度!exactly同一個位置!應該係2003年,又係夏天、又係好熱,我記得當時仲係同『Boy’z』一齊做嘅商場Show。」真係所有回憶都返晒嚟。

阿Deep仲話︰「因為拍戲又試過,其他好多工作都試過,但我始終係歌手出身,到近排又用番音樂或者歌手嘅身份同大家見面,透過音樂嘅平台同大家sharing嘅時候,反而覺得真係歸咗位。」唔少網民都周不時留言叫佢開騷,佢都話有諗過開音樂會。「其實我一路都好想,無論幾多人,我都想去做一次一個完整嘅show,等我啲歌好似《洗剪吹》、《先入為主》等可以有個full band嘅version、大家最想聽到嘅version去呈現。因為而家Facebook『DeepNiteShow』大家極其量係止癮,所以希望快啲有一個咁嘅show,今年內可以發生到就最好!」阿Deep說。
熱門新聞
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 63,988 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 57,075 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 56,829 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 51,161 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 50,786 views
  • 【隱世武林高手】《天命》譚坤倫闖內地影圈 打出一片天 45,631 views