< 返回
  • 【裝修糾紛】全屋未完成收廿萬 裝修師傅:我要鏟咗間屋
  •   61,827 views │ 2017年11月14日
    留言()

 

裝修糾紛時有發生,惟處理不當隨時「有排煩」!本刊接獲讀者X小姐的投訴,更提供了裝修時爭執的影片,直指受到無禮對待。

住在港島區的X小姐就指,她聘請駿隆室內設計為她進行裝修工作,惜工程進度由原本預算的四十五天,延後到三個月仍未完成。到她到單位觀察時,發現不少工程質素都不理想:「好似浴室寶嘅位應該係有塊玻璃,但拆咗之後一直都唔肯同我裝;廁所原本係有燈,佢拆咗之後都唔肯幫我裝番。」她更指因廚櫃安裝不正確,爐頭的師傅未能如期到單位安裝,令X小姐要額外花費:「裝修師傅先同我講邊位太側,對唔到抽油煙機。裝油煙機時,師傅嚟度過,就話頂櫃做得太低,違反防火條例,唔能夠裝。佢就承諾了會幫我安裝,但一直都無安排。」

她續指,由於工程延誤,未能趕及送電器及家俬:「上到嚟就係一個亂葬崗,我只可以叫師傅走,講對唔住!」X小姐表示,原本合約就是十八萬多,加上額外工程等等,多付了三萬多:「所以夾埋廿萬左右,仲未計我再搵人去整!」

由X小姐提供的片段看到,她與裝修師傅就工程的進度互相對質,最後雙方達成協議,X小姐願意交出尾數,並簽署了不再追究協議,她指:「我唔想再見到佢,已經搵咗其他公司!」

採訪:財經組
攝錄:梁正平

相關連結:
【投訴變羅生門】裝修公司回應:唔滿意可以拆番晒退錢!
http://bit.ly/2iQVHqa
熱門新聞
  • 林保怡篤完鮮肉男友激凸 淺水灣冧爆拍拖 54,180 views
  • 【獨家】千萬酬勞拍劇照推 胡杏兒:我一定要追多個 51,527 views
  • 陳志雲爆大鑊 佘詩曼拍劇拍到有陰影 41,314 views
  • 【索媽旅行有福利】黃伊汶露半球同囝囝索吻 蓋過梁浸浸風頭 35,088 views
  • 【封面●老中青炒虛擬幣●遍地開花】直擊深水埗腦場變「掘礦機」場 開炒幣講座兩小時賺40萬 33,792 views
  • 【來港五年仲未改到】阿仔扭眼瞓 郭晶晶出「踎」功絕技 31,981 views