< 返回
  • 【衝出MK開巡唱】解構E-Kids金剛不敗之身之謎!
  •   58,477 views │ 2018年04月13日
    留言()

 

E-Kids 你以為佢哋死咗?事實話俾你知,佢哋仲未死得!仲話要衝出MK,去澳門巡唱添!

今時今日要喺娛樂圈立足,如果你唔係阿邊個邊個嘅細姪仔,又唔係大富之家,仲要下下靠公司出錢,搵人哋作曲填詞等等,同時又無演唱會,廣告,拍劇嘅話,喺呢個圈真係好快就會玩完,仲欠落週身債,而E-Kids 佢哋,乜嘢都自己做,三個分工合作,所以成功係有原因嘅,等我哋探討下呢個不死之謎!

首先講吓成員Tommy 阮民安,他幾乎係半個經理人咁滯,前幾年全職進攻幕後,為太太Eva 穿州過省處理工作,又經常在日本打滾,所以E-kids 在日本有show 接,Tommy 功不可沒,而家好多事宜,都係Tommy 出面傾!

另外一位,Alan 林詠倫,三個之中,佢keep得算最好,又不斷在facebook 做 live 唱歌,聚積左一班擁疐,而對外,佢比另外兩位成員和順,E-kids有D咩事,都係佢出面解圍,實在一凹一凸!

講到最疊馬嘅阿Tim 郁禮賢,前幾年,Tim化名為 KASA ,在屯門開了舞蹈學校,到現在,依然雄霸屯門,累積過千個學員,所以一吹雞,幾百人撐場唔係問題,對演唱會銷情一定有佢嘅影響力!

睇完佢地呢條宣傳片,而家嘅香港嚟講,算幾好㗎喇 ,起碼用心獻技,好過睇大台個個楝係度唱劇集主題曲先啦!所以話,裏應外合嘅鉄三角E-Kids 不死都係有原因嘅!
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 76,220 views
  • 【藏獒神話不再?】神犬大陸流落街頭 香港不乏愛獒名人(足本版) 56,364 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,997 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 40,136 views
  • 【藏獒被棄大帽山】不再千萬身價瘦到皮包骨 狗義工:養之前要三思(足本版) 37,454 views
  • 【總理食女唔找數】上環有個樓上私竇 食完鬆中環被貼搶眼街招 (足本版) 34,486 views