< 返回
  • 【仁鬼殊途】靈堂人細鬼大 喪禮儀式主角話事
  •   7,774 views │ 2018年04月14日
    留言()

 

今集《仁鬼殊途》探討宗教共融,講包容。我知你想熄機,或者打我一鑊,畢竟本土派最憎人講包容,情況等於你對強國講分裂,或者對明光社講鹹嘢。請你睇落去,最多之後我俾(陳達仁)你打多兩鑊。


喪禮宗教儀式是很大課題,即使同一屋簷下,你愛上帝我拜佛,人人堅持自己的信仰正嘢。老老實實,人人站在自己立場說話,永遠別人錯,自己對,唔使望,我講緊你。這個世界無人肯認自己錯,無人肯認戇居,無人肯認跟錯大佬(包括/尤其信仰上),所以今次不談對錯,只講尊重。


陳達仁去喪禮多過婚禮,眼見唔少家庭因為靈堂儀式吵大鑊,他建議大家尊重先人意願,先人拜神,沒道理找牧師領唱聖詩;先人信耶穌,無可能整場破地獄俾佢嘆。總之靈堂上人細鬼大,不管你是喪禮話事人抑或出錢人,不理你的宗教如何正確,今次主角是先人,請由他作主。


如果家中有老人家離世,其配偶--在世老人家--用自己方式表示對一生摯愛的思念,子女後輩即使宗教背景不同,宜應尊重,不應怪責對方侵犯了你的完美,你大可不參與,靜靜坐在一旁悼念先人便好。


宗教衝突,留給以色列、巴勒斯坦人做吧,不要令先人生氣--嘥鬼氣。


撰文:陳勝藍



熱門新聞
  • 【歌星悲歌】面對現實屯門做小販 黃翊:的確係難堪 (足本版) 80,652 views
  • 【壹經典●富豪去盡因為愛呀】大劉爬20層樓幫嘉欣搬行李 同許晉亨鬥愛登報表白「The One」(足本版) 70,598 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 54,009 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 52,768 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 43,244 views
  • 【壹經典●富豪億萬婚禮奇觀】空運200萬玫瑰花布置場地 許晉亨嘉欣七億豪宅世紀婚禮(足本版) 42,706 views