< 返回
  • 【窮導演與金像獎】《黃金花》導演硬著頭皮做:老闆以為係「師奶殺小三」
  •   7,284 views │ 2018年04月14日
    留言()

 

陳大利,37歲,《葉問》系列、《狂舞派》、《西遊記之大鬧天宮》編劇。2004年憑短片《媽》獲第十屆ifva 比賽公開組金獎。新作《黃金花》獲提名香港電影金像奬最佳新晉導演。

雖說「新晉」,但陳大利入行不經不覺已十五年。0三年從浸會大學電影系畢業,同屆二十名同學,能正式加入電影圈的,只有他一人,「以前讀電影,睇好多大師級作品。到我入行做編劇,又係另一回事,全完兩個思維,兩者不斷掙扎。」「大師級」也者,市井觀眾睇完一頭霧水有之,割櫈有之,「我以前對電影的理解,係唔一定要講故仔、有fictional故事——甚至唔應該。電影有另一套語言。」偏偏電影工業正是要娛樂大家,例如他曾經藐爆的超級英雄、飛車爆破、荷里活大片。「我以前真係唔會入場睇。」

陳大利夾在理想與現實之間,而「現實」還有另個一更現實的層次。文字不值錢,編劇更是吸風飲露,「做編劇最辛苦係冇嘢做、喺度乾等。我經歷咗好多呢啲時間。」他第一部有份編寫的《墨斗先生》在0四年上映。同年,短片《媽》獲ifva比賽公開組金獎。以為鴻鵠將至,結果他再次有作品上畫,已經是0八年的《葉問》。其間為維持生計,他替小孩補習、拍婚禮短片,也寫了若干沒有開拍的大陸劇。轉行的念頭每隔一段時間便來襲,「都讀過書吖,可以做其他嘢,例如去教書吖。 但喺個工業越做得長、越唔想放棄,因為累積得多咗。呢一刻唔做,就乜都冇晒,白廢心機,唯有硬著頭皮。」

《葉問》一開場,「陳大利」三個字便在大銀幕出現,旁人以為他大吉大利,「(收入)冇乜改善,都係咁。《葉問》都經歷咗成年,但我係收一個project嘅錢,而且費神,唔可以做第啲嘢。」令他完全手打消轉行念頭的,是0九年參與《西遊記之大鬧天宮》、認識編劇司徒錦源之後,「冇資格去鄙視(商業片),老實講,其實係我唔識啫嘛。當我放低咗太過強硬的心,慢慢就睇到佢好嘅地方。」 他跟著師傅做「劇本醫生」,搶救拍完仍剪不出一個完整故事的爛尾電影。將故事的肌理解剖、去除腫瘤、再縫合。直到司徒錦源一二年因肺癌離世。「每次都學到好多嘢,所以嗰兩年,好似過咗十年咁。」「我學懂咗編劇,對電影的諗法唔同晒。我會真心去欣賞電影工業的技術、技巧。」

「Melodrama的力量在於雅俗共賞、大眾睇得明。只要內容有番啲重量,有實在的意義、價值,大家係會吸收。」陳大利首次執導的長片《黃金花》正是朝這個方向,「題材上,《黃金花》唔係主流,但成個說故事的方法我覺得好主流。」他想拍智障兒子與母親的感情,卻跟投資者說了一個「大婆殺小三」的黑色喜劇故事,他用十幾年打磨自己,是為了令稄角更鋒利,「如果我直接同佢(投資者)講,我要拍一個咁嘅故事,好難搞,應該而家都未拍到。」
熱門新聞
  • 【歌星悲歌】面對現實屯門做小販 黃翊:的確係難堪 (足本版) 80,652 views
  • 【壹經典●富豪去盡因為愛呀】大劉爬20層樓幫嘉欣搬行李 同許晉亨鬥愛登報表白「The One」(足本版) 70,598 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 54,006 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 52,766 views
  • 【每日壹爆●富豪女友好富貴】呂麗君收大劉20億掟煲費 掃渣甸山烏燈黑火豪宅(足本版) 43,242 views
  • 【壹經典●富豪億萬婚禮奇觀】空運200萬玫瑰花布置場地 許晉亨嘉欣七億豪宅世紀婚禮(足本版) 42,705 views