< 返回
  • 【外傭排隊借財仔】大話外傭欠債5萬 僱主:被追數嚴重精神困擾
  •   379 views │ 2018年07月13日
    留言()

 

想了解足本版內容請按網址:https://bit.ly/2N8tMiV

外傭欠債遺下爛攤子,僱主張太憶述可怕經歷,張太七年前聘請菲傭負責幫忙照顧四名子女,多年來雙方關係不錯,直到去年家中接獲第一封來自財務公司的追數信,惡夢正式展開。

「當接獲第一封信件,我基於私隱並無理會,將信件交俾佢,但隔幾個月後,再接獲第二封信件,我忍唔住問佢可否在我哋面前打開信件,佢開始驚慌,亦證實真係來自財務公司,心知不妙,問她點解借錢,佢會用好多唔同藉口解釋,忽然話女兒病和懷孕,唔怪之後佢一年前已不停要求我提早出糧,總之想盡辦法索錢,最嚴重一次是想向我領取長期服務金,我當然唔答應。」

張太問外傭借貸數目,外傭最初訛稱萬多元,張太亦曾心軟,考慮跟丈夫私下替外傭還款,「始終佢湊大我的小孩,都想幫下佢,佢每次問佢究竟欠款多少,佢每次答案都唔一樣,由萬幾變兩萬,再到三萬,大話連篇,數目開始令我吃驚,最後決定唔幫佢還。但我哋亦無向她發出警告信,始終「人質」在手,如果咁做,我擔心屋企無長者睇實,會存有好大風險。」

「最過份有次懷疑係惹埋收數佬上門追數,當日我不在家,嚇到仔女都唔敢開門,情況開始失控。點知佢某日帶個朋友來,對方竟然要求我炒她,仲話欠債在當地好普遍,我怒氣衝天,咁又點?我又唔係炒你,點可能要我比錢你。」及後外傭靜無聲無息消失,放棄了長期服務金,張太及後查看追數信,得悉外傭原來欠款達49000元。她隨即寫信通知入境署,證明外傭離職,再附上該署回覆函,傳真予每一間財務公司。「如遇上無牌財務公司,可能仲大件事,就算發信件仍沒幫助,收數佬仍會繼續困擾你,搞到我當時好驚,通知樓下所有保安,及哀求家人前來照顧子女。」她認為事件對她造成嚴重精神困擾,故此現在從新聘請外傭,已沒有安裝家居電話。

採訪:艾馬

攝影:李育明

請參與壹週刊大獎賞活動(包括與陶傑晚宴),即按:http://bit.ly/Appinstall18

立即按此連結下載《壹週刊》APP:http://bit.ly/next28app
熱門新聞
  • 【歌星悲歌】面對現實屯門做小販 黃翊:的確係難堪 (足本版) 82,554 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 62,519 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,261 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 53,616 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 49,507 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 47,170 views