< 返回
  • 三姑六婆係邊個? 80後IT仔出App搞清楚
  •   19,161 views │ 2015年11月08日
    留言()

 

考吓你,五秒內要答:點稱呼你呀爸嘅呀媽嘅弟弟嘅老婆?要限時內答得出,就要玩吓一個「三姑六婆」親戚稱呼計算機App啦,至今已有十萬人下載。(上述答案係舅婆)

「三姑六婆」App,用咗計算機的原理,只要你將所有關係,按次序輸入,最後按等號,就會得到你想知道的親友稱呼。

不過,計算機並非萬能,「三姑六婆」App創作人、八十後的Kevin Cheung解釋:「去到四、五層長輩,或者四、五層後輩,我的資料都未必去咁詳盡。另外,有人想搵同性戀關係,我本身無既定立場,只係我的資料來自傳統的資料,傳統的叫法,有時我都唔知道點寫,我就會話暫時未有資料。」即係話,如果你想知「你呀哥個老公」點叫,答案係:唔知,因為唔包HeHe。

隨着手機App普及化,IT業求才若渴,需要聘請大量程式編寫員,但因工時長、工作刻板,少人願意入行,就連IT人都想出走。從事IT業的Kevin 今年就與友人自立門户,說這樣發揮空間更大,不像以往創作處處遇到制肘。他年初自行研發「三姑六婆」App,取其「三三不盡,六六無窮」的意思,指親戚關係無窮無盡。

「呢個問題人人都會遇到,包括我,雖然我唔係有好多親戚,但你問我外甥定姨甥我自己都唔識分,淨係聽人哋講外甥多似舅,我諗舅父就係叫外甥,姨甥就可能係呀姨咁嘅意思。」見到親戚想打招呼,但又不知怎樣稱呼,要特地上網、看書查考實在太麻煩,Kevin曾在App Store找到一些查關係的App「用住先」,始終不夠準確,用上手又不夠快。

他就想,做一個出色的App要方便及快,構思過程中發現關係的微妙之處是一個連繫一個,關係越來越多,像用計算機計加數一樣。他就將介面設計成一部計算機,以父、母、兄、姐、弟、妹、子、女、夫、妻作單位,一個加一個,計出關係。

「三姑六婆」今年初上架至今,已有十萬人次下載免費版,當中四成香港人、四成台灣人,其餘的來自大陸及星馬。即使大家講華語,稱呼上亦有差異,「叫老公呀媽係叫奶奶,原來台灣,奶奶即係呀嫲,而佢地叫老公呀媽做婆婆,婆婆係香港係外婆。」Kevin揚言將來做「三姑六婆」進化版,必定按地區作分別。

「三姑六婆」仲有一個「專業」版本,基本上用法一樣,只是比免費版多一個制,按一按就可以知道對方點稱呼你,下載的話收費$13.36,只有近三百人下載。Kevin說,自己也講不出投資了幾多錢搞「三姑六婆」App,雖然免費版助他吸了些女性時裝、旅遊網站、補習社的廣告,但他說收入微薄,搞App只為方便人、方便自己。

 

撰文:陳雅欣

攝錄:陳浩樂
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 124,043 views
  • 【大陸妻佗B仔】周永恒9月再做老竇:估唔到仲有女人信我(足本版) 77,978 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,556 views
  • 【為拍拖去到盡】港女為符意中人要求 3個月喪減40磅(足本版) 54,900 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,822 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,575 views