< 返回
  • 愛滋廣告玩出禍 匿名短訊同人講染AIDS
  •   1,985 views │ 2015年12月06日
    留言()

 

話說最近《壹》仔有唔少朋友都收到一個奇怪嘅SMS,由一個匿名電話(疑似前度男/女朋友) 發出,內容係有人同你講,佢染上咗愛滋病,希望當日乜都冇留畀你。

收到呢個短訊,相信有唔少人都會好驚,以為自己個前度真係染上咗愛滋病,自己唔知會唔會被傳染到。經過《壹》仔追查下,發現呢個係防治組織「關懷愛滋」同大家開嘅玩笑,目的係想鼓勵人去驗愛滋病。網頁仲提供4種語氣任君選擇,只要你打上「朋友」嘅電話號碼,就可以揀用「擔心」、「輕鬆」、「冷漠」、同「無奈」嘅語氣去Send 畀朋友。

雖然呢種宣傳方法好有創意,不過有唔少網民就大鬧玩出禍, 「開玩笑也要有限度」、「低級趣味到一個點吖」、「搞到人哋夫妻不和甚至出人命就大鑊」。亦都有網民問母親節係咪可以咁玩?「你媽媽畀車撞死左嘞.....」隔一分鐘後,「「玩你咋!其實我都係想你孝順多啲老人家啫!」

點都好,呢個宣傳手法係就係有創意,不過真係玩到過晒火,如果有人收唔到「開估」嘅短訊,分分鐘睇唔開走去自殺,到時真係唔知搵邊個負責好喇!
先輸入電話號碼
然後揀語氣
之後「假」嘅愛滋病短訊就會Send 出去
熱門新聞
  • 【歌星悲歌】面對現實屯門做小販 黃翊:的確係難堪 (足本版) 82,538 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 62,470 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,233 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 53,524 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 49,442 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 47,014 views