< 返回
  • 【死因無波睇】主播穿黑白灰「哀悼」有線 體育馮堅成:個個睇波上網搵link
  •   27,541 views │ 2017年03月16日
    留言()

 

上週四下午十二時多,有線寬頻停牌。有線員工皆靜候賣盤消息,「估應該有結果」。豈料四小時後,主席吳天海在九倉業績會淡然宣布︰「不再額外對有線寬頻財務支持。」一直睇住直播的新聞部員工「靜咗,唔太接受到」。這幾天,部分主播和記者都不約而同穿上黑白灰等素色衫,「同事話可能係想表達悲哀或不滿。」其實有線大樓門口的數排電視,已經「熄機」幾年,同事入閘時望到都有點心酸。

有線開台之初,已處於燒錢狀態。翻查年報,九九年上市前三年,共虧損二十五億五千二百萬元,上市首年繼續見紅,錄得三億八千七百萬元虧損。後來開始拿到世界盃獨家播映權、英超獨家播映權等,球迷落訂,形勢改變,曾經每日上客量達一千多人,有線終有盈利。到○九年底訂戶更突破一百萬戶,但後期由於購入頂級體育節目支出龐大,加上球賽轉播權屆滿致客戶流失,廣告收入又開始減少,有線由○八年起再度虧損,去年更蝕三億多元。

曾在無綫任體育記者、現為樂視體育新聞高級經理的馮堅成,分析死因︰「我裝過有線睇英超,佢哋(有線)無播後,我就走咗,join咗Now。」他認為,有線始終是收費電視,一定要有主菜吸引︰「你想上客的話,英超係最大吸引力。相比其他(如)西甲、德甲,都無英超咁吸引。無英超一定會走失好多客。」然而現在購入英超轉播權實在太貴,「億億聲,無可能回到本。」而且他指近兩、三年太易在Facebook找到link睇波,部分人以此省回二、三百元。就體育節目而言,馮堅成認為Now的分類比較清晰,「有睇桌球的,有睇網球的,但有線則只有一個體育台包晒所有嘢。」

撰文:財經組
攝錄:財經組

【邁向28周年】跨越廿七載 《壹週刊》全面睇
http://bit.ly/nextb28thbig

熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 123,799 views
  • 【壹經典●四叔感情】前妻選美出身 四叔離婚後癡戀不再婚(足本版) 52,881 views
  • 【壹經典●四叔感情】李兆基前妻消失23年後 大型法會神秘現身(足本版) 42,877 views
  • 【好大方●被余安安介入?】陳煒與監製男友分手 繼續孖住開公司 (足本版) 41,922 views
  • 潮人雲集「週末衣櫥」壽星仔馬天佑拉隊踩場撐Ceci 41,728 views
  • 【慳自己唔慳司機】陳煒月慳5萬搬新竇 堅持請司機七人車接送 (足本版) 39,239 views