< 返回
  • 中環寸嘴》快活谷寸嘴——貪佢夠粗咩!
  •   3,143 views │ 2017年03月16日
    留言()

 

跑馬地蓮園近排爆紅,事頭婆霞姐寸嘴夠出位,唓,我一踩入去,佢即刻話:「我知你邊個!」我都回敬佢一句:「我都知你邊個。」我同你哋講,事頭婆七十年代喺尖沙咀間中華酒樓夜總會,係點心部領班,嗰陣都睇得吓,俾個大廚溝咗佢,做咗佢老公,話晒我老豆係中華酒樓二十位創辦人「之一」,有少少股份,大股東就係豉油王-同珍王仲銘,事頭婆又點會唔識我呢?話晒大家都under過我老豆,叫做同門師兄妹,一脈相承都係拋得兩嘴。

唉,啲報導話佢以惡聞名,其實做到「𤷪」就真,蓮園冇兵冇卒,樓面又係佢,收銀又係佢,個老公喺廚房煮,真係做到氣咳;睇吓附近競爭對手——跑馬地正斗,地點又靚,又豪裝,做洗碗、樓面有得揀都去人哋度做,蓮園真係冇條件去比,叫做喺個niche度生存;所以蓮園都係揀客,專做外賣乾手淨腳,我覺得佢啲出品係超值嘅!個老友問我,霞姐後生喺酒樓做點心領班,個樣又睇得吓,點解冇啲富貴茶客溝佢?我話:「唓,貪佢夠粗咩!」

撰文:楊國佳

 

圖片說明:老闆娘做到𤷪,係咁催我落單,話:「喂,嚟啦喂,停頓晒咁,我仲要招呼其他客㗎,都無手包外賣俾人哋!」
蓮園入面個格局亂糟糟,其實揀客做,想你買外賣算數。
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 67,422 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 51,458 views
  • 【藏獒神話不再?】神犬大陸流落街頭 香港不乏愛獒名人(足本版) 42,571 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,019 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 36,029 views
  • 【壹經典●搵北京代母】家傑家誠搶生男孫 第三代接班人暗戰(足本版) 35,368 views